Buxoro davlat universiteti filologiya fakulteti filologiya va tillarni o

Qaytarish. (rad -ul ajuz il-as sadr yoki rad ulajuz minas-sadr) baytdagi mazkur o'rinlardan biridagi so'zning yana boshqa bir o'ringa takrorlanishi nazarda tutadi.
Sening ko'nglingdagi unga ayondir,
Aytmoqlik ne hojat: ayon, bayondir
Qaytarish san'atining bir necha turlari bo'lib, baytda rad-ul illal hashv qo`llangan.
Tarde aks. (ar, "teskari qilib takrorlash” ) she'rning biror misrasida keltirilgan so'z yoki so'z birikmasi keyingi misrada o'rni almashinib qaytarilishi nazarda tutiladi.
Bu dunyoda nelar bo'lmog'i mumkin,
Qay mezon aniqlar mumkin -nomumkin.
Gar tangri istasa nomumkin-mumkin,
Yo'qlik mavjud dunyo bo'lmog'i mumkin.
Ruboiy -to'rtlikdagi mumkin -nomumkin jumlasi keyingi o'rinda nomumkin-mumkin shaklida qo'llanilib, tarde aks san'atini vujudga keltirgan.
Navbatdagi she`rda ham tarde aks san'atidan foydalanilgan:
Dunyoda hamisha bo'lar zo'r,nochor,
Bir kun nochor zo'r-u , zo'r bo'lar nokor.
Savol-javob shoir ruboiy-to'rtliklari ko'lamini oshiruvchi yana bir she'riy san'atlardan biridir. Shoir savol-javob s'anatidan ham mahorat bilan foydalangan holda go'zal san'at asarlari yaratgan .
Oshiq mahbubiga savol berdi boz:
-Aytgil,ey,malagim,dilmisan yo noz?
U dedi: Suyuklim, bilganlaring oz,
Bori nozi dilim bilmaganing soz.
Mana bu she`r ham savol-javob asosida vujudga kelgan:
Noshud shogirdidan arz qildi ustod:
"Ne qilsam o'zgarar bu chalasavod".
Shayx dedi: "Bu "zot"dan hamma deydi dod ,
Chala bilimlidan afzal besavod.
Uchinchi misradagi "zot" so'zi kinoya bo'lib kelgan.
Takrir. She'rda u yoki bu so'zni takror qo'llash san'atiga takrir deyiladi. Masalan:
Odamlar orasin buzar, bil, gap-so'z,
Olov emas, balki, gapdir-olamso'z.
Tig' qinidan chiqmas -tabdil bo'lsa so'z,
Shu bois ming o'yla, har bir aytar so'z.
She`rdagi "so'z" so'zi takrir san'atini vujudga keltirgan.Shu bilan birga, ikkinchi misradagi "olov emas, balki gapdir olamso'z" jumlasida dunyoni olov emas, gap yondiradi degan g'oya mubolag'a san'ati orqali ifodalangan. “Avval o'yla, keyin so'yla" maqoliga ishora qilingan holda irsioli masal she'riy san'atini ham shakllantirilgan.