Buxoro davlat universiteti filologiya fakulteti filologiya va tillarni o

Sifatlash. Narsa, voqea hodisa,tushuncha, va belgi- xususiyatlarni tavsiflovchi badiiy san'atdir.
Internetga ko'p ham ishonma, zinhor,
Hech kim bilmas siring u qilar oshkor.
Na qilsang bilishar sendan bexabar,
Bu ayg'oqchi tarmoq, bo'l o'ta hushyor.
Ushbu she`rda internet tarmog'ining ayrim salbiy tomonlari haqida gapirilib unga nisbatan "ayg'oqchi" sifati qo'llanilgan.
Quyidagi misrada ayrim "do'st"larga nisbatan "pismiq" sifatini istifoda etilgan:
Dunyoda haqiqiy do'st topish dushvor,
Pismiq do'st aybingni qiladi oshkor.
Ushbu misrada " pismiq" sifati ayyor, orqadan ish tutadigan do'stga nisbatan ishlatilgan.
Cheklamoq lozimdir "erkin" matbuot,
Yoysa nojoiz, noqis axborot.
Misrada "erkin"so'zi sifatlash bo'lib kelmoqda.
Quyidagi lirik yaratmada sifatlash, tazod va savol-javob san'atlaridan foydalanilgan:
Suhbat chog'i so'rar shaddod suxandon,
"Shoir aka, yangam yaxshimi yomon,"
Shoir: "yaxshi desam,-der, - bo'lar yolg'on.
Yomon desam agar, bo'lmas al-omon.
Ruboiy-to`rtlik savol -javob asosida qurigan," shaddod" sifatlash san'atini, yaxshi -yomon tazod san'atini vujudga keltirgan.
Tamsil. (ar. "misol keltirish) fikrni izohlash uchun bironta misol keltrish san'atidir. Bunda ba'zan maqol ham keltirilishi mumkin.
Zamin ayro emas koinot, oydan,
Odam paydo bo'lmas, bil, "hoy-u hoydan".
Hech ne shakllanmas o'zi-o'zidan,
Sham o`char piligi ajralsa moydan.
So`nggi misradagi "Sham o`char piligi ajralsa moydan" jumlasi tamsil bo'lib kelgan.
Shoir yorning sarv qomatini tasvirlar ekan, harf (kitobat)
san'atidan foydalanganini ko`rish mumkin Kitobat badiiy tasvirda arab alifbosidagi harflardan foydalanish san'atidir Masalan:..
Alif qaddi-qomatingga o'zim banda,
Jamolingga mahliyoman, ko'zim sanda.
Xalq aytdiki, u jodugar aqling olar,
Dedim: jonon jon olmasa , ro'zim ganda.
Birinchi misradagi " alif" arab alifbosidagi birinchi harf hisoblanadi. Shoirlarimiz yorning tik qomatini tasvirlash maqsadida undan foydalanishadi.