Buxgalteriya hisobi, auditorlik faoliyati, buxgalter va auditor kasblari haqida tushuncha

B UXGALTERLARNING XALQARO GERBI

Quyosh – buxgalteriya hisobi xo‘jalik faoliyatini yoritadi,
Tarozi – balans, ya’ni muvozanat, tenglik ramzi,
Bernulli egri chizig‘i – hisob insoniyat tarixining ibtidosidayoq paydo bo‘lib, to yerda hayot bor ekan mangu qolishini bildiradi.
Science – ilm,
Conscience – ishonch,
Independance – mustaqillik
Buxgalter uchun eng yuqori axloqiy va malakaviy mezon har qanday vaziyatda ham qonunni ustun qo‘yish, ishonchli axborotlarga asoslangan hisobotlar tuzish, yo‘l qo‘yilgan xato-kamchiliklarni tahlil qilib, ularni tuzatish yo‘llarini aniqlash va korxona moliyaviy ahvolini yaxshilashdan iborat. Buning uchun esa bu kasb ilm, ishonch va mustaqillikka asoslanishi lozim.
Ishonch. Buxgalterlar tomonidan ilmiy, nazariy bilimlarning amaliyotda vijdonan qo‘llanilishi xo‘jalik yurituvchi sub’ektlar faoliyatining ishonchli bo‘lishini ta’minlaydi.
Ilm. Buxgalteriya hisobi eng avvalo ilmga, buxgalterlik ilmiga asoslangan bo‘lishi lozim. Albatta, buxgalteriya hisobi o‘z predmetiga ega fan. Ushbu predmetni o‘rganadigan uslublarning ilmiy asoslangan majmui uning metodini tashkil etadi.
Buxgalter hamma vaqt mustaqil bo‘lishi kerak. Bu prinsipga muvofiq buxgalter va korxona rahbariyati o‘rtasidagi munosabatlar (moliyaviy, qarindosh-urug‘chilik yoki shaxsiy tobelik, boshqaruv organlari yoki umumiy loyihalarda qatnashish, buxgalteriya hisobini yuritish bo‘yicha oldindan xizmat ko‘rsatish va h.k.) faoliyat natijalariga ta’sir ko‘rsatmasligi lozim.
Yuqorida ko‘rsatilgan axloq me’yorlariga rioya qilish buxgalterlarning yuqori axloqiy va professional mas’uliyatlari jamoatchilik fikrida ushbu kasbga hurmat hamda ishonchni saqlashning ob’ektiv zarurligi bilan kafolatlanadi.
Nazorat savollari

1. 
   Buxgalteriya hisobi va auditorlik faoliyatining tarixi haqida nima bilasiz?
   
2. 
   Mustaqillik yillarida buxgalteriya hisobining qanday rivojlangan?
   
3. 
   Buxgalteriya hisobi va auditorlik faoliyati haqida nima bilasiz?
   
4. 
   Buxgalter va auditor kasblari qanday axloqiy qoidalarga asoslanadi?
   
5. 
   «Mutaxassislikka kirish» fani nimani o‘rganadi va uning boshqa fanlar bilan qanday o‘zaro aloqadorligi mavjud?
   
6. 
   5230900 – «Buxgalteriya hisobi va audit» yo‘nalishi bo‘yicha tayyorlanadigan bakalavrlarga Davlat ta’lim Standartida qanday asosiy talablar qo‘yilgan?
   
7. 
   Talaba «Mutaxassislikka kirish» fanini o‘rganish natijasida qanday bilimlarga ega bo‘lishi lozim?
   
8. 
   Buxgalteriya hisobini ta’riflang.
   
9. 
   Buxgalteriya hisobi xo‘jalik hisobining boshqa turlaridan qanday xususitlari bilan farq qiladi
   
10. 
    Buxgalteriya hisobining qanday turlari mavjud?
    
11. 
    Moliyaviy hisobga ta’rif bering.
    
12. 
    Boshqaruv hisobining ahamiyati nimadan iborat?
    
13. 
    Soliq hisobi deganda nimani tushunasiz?