Бурғилаш тизмаси ҳақида умумий тушунча. Оғирлаштирилган бурғилаш қувурлари

Бурғилаш қувурлари бирикмаси
Режа:

1. 
   Бурғилаш тизмаси ҳақида умумий тушунча.
   
2. 
   Оғирлаштирилган бурғилаш қувурлари.
   
3. 
   Бурғилаш тизмасининг элементлари.
   
4. 
   Бурғилаш тизмаси ишининг шартлари.
   
5. 
   Бурғилаш тизмасини жамлаш ва ишлатиш
   

Таянч иборалар: бурғилаш тизмаси, етакчи қувурлар, бурғилаш қувурлари, қулф, ОБҚ, тизма элементлари, тескари клапанлар, тизмани йиғиш шартлари.


Бурғилаш тизмаси ҳақида умумий тушунча.

Бурғилаш тизмаси – қудуқ тубида бурғи ва ер юзасидаги бурғилаш жиҳозларини бирлаштирувчи буғундир. У бурғига энергия бериш (механик, гидравлик, электрик), бурғилаш аралашмасини қудуқ тубига етқазиб бериш, бурғида ўқ бўйича юкланмани яратиш, бурғи ва туб двигателининг реактив моментини қабул қилишга мўлжаллангандир.

Бурғилаш тизмасини асосий элементларига – етакчи қувурлар, бурғилаш қувурлари, бурғилаш қулфи, узатгичлар, бурғилаш тизмасини марказлагичлар, оғирлаштирилган бурғилаш қувурлари киради.
Етакчи қувурлар – қалин деворли қувур бўлиб, кесим юзаси квадрат, олти қиррали ёки чамбарак шаклида бўлиб, бурғилаш аралашмаларини ўтиши учун айланма ёки квадрат тешиклари концентрик жойлашган.
Бурғилаш амалиётида етакчи қувурларни квадрат кесимлиси кўпроқ қўлланилади. Олти қиррали ва чамбаракли етакчи қувурлар кам қўлланилади (расм).
Етакчи қувурлар конструктив ҳолда икки хил вариантда бажарилади: йиғма, учта деталдан ташкил топган ва бутун (яхлит).
Етакчи қувурни тепа учига юқори узатма бириктирилиб у вертлюг билан бириктириш вазифасини, пастки учига пастки узатма бириктирилиб уни ёрдамида бурғилаш тизмасига бириктирилади.
Юқори узатмани бўш учи вертлюг билан уланиш учун чап қулфли резьба билан таъминланган: пастки учидаги бўш учи бурғилаш тизмаси билан бириктириш учун ўнг қулфли резьба билан таъминланган. Етакчи қувурнинг йиғма конструкцияси 65х65, 80х80, 112х112, 140х140, 155х155 мм ўлчамларда тайёрланади.
Саноатда етакчи қувурларни йиғма конструкцияси бутунлай ўраладиган етакчи қувурлар шаклида тайёрланади.
Бурғилаш қувурлари – бурғилаш қувурлари ва бириктирувчи муфталар қуйидаги ўлчамларда тайёрланади: 60, 73, 89, 102, 114, 127, 140 ва 168 мм ли, девори қалинлиги 7дан 11 мм-гача.
Конструктив бажарилишига қараб бурғилаш қувурларини ҳар хил турлари мавжуддир.
1) Бурғилаш қувурларини йиғма конструкцияси икки хил турда (ГОСТ 631-63) тайёрланади: қувурни учи билан ичкарига ўтказилган (2-расм, а) ва қувур учи ташқи томонига ўтказилгани (2-расм,б). Ҳамма турдаги қувурлар қуйидаги узунликда тайёрланади: 6,8 ва 11,5 метр узунликда – шартли диаметри 60-102 мм; 11,5 метрли қувурларни – шартли диаметри 114…168 мм.