Бурғилаш тизмаси ҳақида умумий тушунча. Оғирлаштирилган бурғилаш қувурлари

Бурғилаш тизмаси ишининг шартлари.

Бизга маълумки, бурғилаш тизмаси танасини ичи бўш бўлган узунлиги диаметрига нисбатан катта бўлган валдир. Қудуқларни бурғилашда, тушириш-кўтариш жараёнларида бу вал чузилишдан пайдо бўладиган статик ва динамик юкланмалар, буйлама ва кўндаланг эгилиш, бўралиш ва ички босим таъсирида бўлади. Бурғилаш тизмасига таъсир этувчи юкланмалар узунлиги бўйича ўзгариб туради. Агарда қудуқ тубида ўзгарувчан юкланма таъсир қилса, у қудуқ тепасига яқинлашиши билан ўзгармас юкланмага ўтади.

Бурғилаш тизмасини – иш жараёнида мустаҳкамлигини, тўгри чизиқли шаклини, бўйлама кўндаланг куч таъсирида ва бўраш моментларида тенглигини йўқотиш хусусиятларига этибор бериш лозим. Бурғилаш тизмасини ўқи қудуқни бўйлама профилига боғлиқ ҳолда ўзгариб туради.
Бурғилаш тизмасини массаси, айлантириш моменти, марказдан қочма кучлар, бурғи тешикларида босимни фарқи, бурғилаш жараёнида тизмага ўқли ва кўндаланг тебранишларга қўшимча статик ва динамик юкланмалар беради. Бундай юкланмаларни сўндириш учун бурғи устига амартизатор ўрнатилади. Амартизаторни эластик элементлари пайдо бўладиган юкланмалар тебранишини сўндиради.
Роторли бурғилашда бурғилаш тизмасига қуйидаги зўриқишлар таъсир қилади:

1. 
   тизма массасини бир қисмини оғирлигидан чузувчи зўриқиш;
   
2. 
   тизма пастки қисмини массасини сиқилишидан пайдо бўладиган зўриқиш;
   
3. 
   тизмани айлантириш жараёнида марказдан қочма куч таъсирида эгувчи момент;
   
4. 
   тизмани айлантириш учун керакли бўлган бўровчи момент.
   

Қудуқлар гидравлик туб двигателида бурғиланганда бурғилаш тизмаси қўзғалмас бўлади. Бунда ювувчи суюқлик двигателда ва бурғига тўпланади, турбобур ишлаганда уни реактив моментини қабул қилади.

Қудуқ устуни эгри бўлганда ҳам бурғилаш тизмаси қўзғалмас бўлади, у қудуқ деворига қисилган. Пастки қисмида пайдо бўлган зўриқиш тизмани унча катта бўлмаган узунлигига таъсир қилади, чунки зўриқишни катта қисми қудуқ деворидаги қаршиликларни енгиш учун сарф бўлади.