Bulardan tashqari, tovush o'zgarishlarining yana quyidagi ko’rinishlari mavjud

Aniqlovchi ergash gapli qo‘shma gaplar

Bilib oling. Bosh gap tarkibida aniqlovchi vazifasida qo‘llangan ko‘rsatish olmoshining ma’nosini izohlab keluvchi ergash gapga aniqlovchi ergash gap deyiladi.

Aniqlovchi ergash (tobe) gaplar bosh gapga nisbiy so‘zlar yoki bosh gap kesimi tarkibida qo‘llanuvchi -ki yuklamasi yordamida bog‘lanadi. Birinchi holatda ergash gap bosh gapdan oldin ikkinchi holatda keyin keladi.

Ba’zan bosh gapning aniqlovchisi vazifasida kelgan shunday, shunaqa kabi so‘zlar qo‘llanmasligi mumkin, ammo uning o‘rni bilinib turadi.

Ba’zan bosh gapning aniqlovchisi vazifasida kelgan shunday, shunaqa kabi so‘zlar qo‘llanmasligi mumkin, ammo uning o‘rni bilinib turadi: Odamlar borki, kelajakni oldindan bashorat qila oladilar.

Esda saqlang. Qismlari o‘zaro ergashtiruvchi bog‘lovchi yoki shunday bog‘lovchi vazifasidagi so‘zlar yordamida tobe bog‘langan qo‘shma gaplar ergashgan qo‘shma gaplar deyiladi.

Ergash gapli qo‘shma gaplar bosh va ergash gaplardan tashkil topadi. Mazmuni izohlanayotgan qism bosh gap, bosh gap mazmunini izohlaydigan va ko‘pincha tobe shaklda turgan qism ergash gap sanaladi. Ergash gap bosh gap talab etgan ma’lum so‘roqqa javob bo‘ladi. Masalan, Men xursandman, (nima sababli), chunki sen maqsadingga yetding.