Bulardan tashqari, tovush o'zgarishlarining yana quyidagi ko’rinishlari mavjud

Nuqtali vergul: 1. Bir joyda turganimda deyarli fikr qilolmayman; tanam hamma vaqt harakatda bo‘lishi kerak, ana o‘shanda aqlim ham harakatga keladi 2. Hayhotday hovli fayzsiz; daraxtlar ostini o‘t-o‘lan bosgan, hovlining etak tomonida bir juft yirik-yirik qarg‘a loqayd kezib yuribdi. 3. Kampirning jig‘i-biyroni chiqdi; ombordan olib chiqqan bir savat paxtasi bilan chig‘irig‘ini ko‘tarib, vaysaganicha, uyiga kirib ketdi. 4. Istiqlol davri bolalari g‘ayratli, shijoatli; ko‘zida chaqini, ko‘ksida yolqini bor. 5. Odob kichik yoshlilarni kattalar duosiga sazovor etadi; yoshlar u duo barakasidan umrbod bahramand bo‘ladilar. 6. Lekin muallif shu kichkinagina hikoyada katta ish qiladi; o‘quvchining ko‘z oldiga odamning havasi keladigan, har qanday kishining muhabbatini o‘ziga qaratadigan, har qancha izzat qilsa arziydigan va bu izzatga o‘zining jafokashligi, g‘ayrati, farosati, el-yurt uchun qayg‘urishi bilan sazovor bo‘lgan bir chol keladi. 7. Bog‘dan chiqish uchun bir necha odim yurgach, ishkom ichida suyanib turgan qizga ko‘zi tushdi; uyalganidan bir zumda qizarib-bo‘zarib ketdi, ketmonga tikilib qadamini tezlatdi.
Vergul: 1. Kel, o‘zbek qardoshim, kel, mening aziz qo‘nog‘im bo‘l, qalbing huzurli o‘lsun, dedi u o‘rnidan turib. 2. Siz o‘z millatingizning ko‘z qarog‘larisiz, ammo unutmang: tanbal, daqqi, bezori kishi ma’naviy nogiron degan so‘z. 3. Aziz do‘stlar, oltin va kumushi bo‘lmagan odam kambag‘al emas, balki es-hushi va kasb-hunari bo‘lmagan kishi kambag‘aldir. 4. Sabr bila bog‘liq ish ochilur, Ishga oshiqqan ko‘p toyilur. 5. Bor so‘zni so‘z sanab tebranmasin til, Ko‘rib, o‘ylab so‘zla, keragini bil. 6. Eng muhimi, mustaqillik tufayli odamlarimizning dunyoqarashi va tafakkuri, ma’naviy qiyofasi o‘zgardi, jamiyatimizda ahillik, muruvvat, mehr-oqibat, tinchlik va osoyishtalik qaror topdi. 7. Birdan tush kabi uzuq-yuluq xotiralar yopiriladi, yuragim gursullagancha o‘rnimdan turib ketaman. 8. Respublikamiz hayotida muhim bir voqea yuz bersa, biz sabrsizlik bilan Abdulla Qahhor nima der ekan, deb kutardik, ustoz yozuvchi, albatta, hammani hayratga soladigan, ko‘pchilikka ma’qul bo‘ladigan bir gapni aytardi. 9. Biz, pokiza zotlarning naslidanmiz. Ota-bobolarimiz, momolarimiz mehnatkash, toza qalbli, imonli, odobli, e’tiqodli, vijdonli, bir-biriga oqibatli, mehr-muruvvatli, saxovatli insonlar bo‘lishgan. 10. Hoy, aylanay, o‘g‘rigina bolam, boshimda shunday musibat turganda ko‘zimga uyqu keladimi? 11. Oh zolim falak, yiqil boshimga! 12. Akrom qafasni ochdi, kaklik o‘zicha "qiyq" deb qo‘ydi. 12. To‘y-tomosha, hashar va ma’rakalarni bamaslahat o‘tkazish, yaxshi kunda ham, yomon kunda ham birga bo‘lish o‘zaro mehr-oqibat, ahillik va totuvlik kabi xalqimizga xos urf-odat va an’analar, avvalombor, mahalla muhitida shakllangan va rivojlangan.