Bulardan tashqari, tovush o'zgarishlarining yana quyidagi ko’rinishlari mavjud

Interpol – [ing.] Xalqaro jinoyat politsiyasi tashkiloti.
Kadastr – [fr. varaq, ro‘yxat] Muayyan obyektlar haqidagi aniq va tartiblashtirilgan axborotlar majmui, ro‘yxati.
Kredit – [lot. u ishonadi] Kirim – chiqim daftarlarining chiqimlar, unadigan pullar yoziladigan o‘ng tomoni. Kredit – [lot. qarz, ishonmoq] Foyda qaytarish sharti bilan, vaqtincha foydalanish uchun pul yoki moddiy mablag‘lar berish jarayonida yuzaga keladigan iqtisodiy munosabatlar tizimi; qarz, nasiya, mablag‘, chqarilgan pul.
Kvorum – [lot. shularning(qatnashayotganlari yetarli)] Biror bir yig‘ilish yoki majlisda qarorlarni qonuniy deb topish yoki majlisni ochish uchun unda qatnashishi shart bo‘lgan va qonunda yoki jamoat tashkiloti nizomida belgilab qo‘yilgan ishtirokchilar soni.
Kvota – [lot. har bir kishiga to‘g‘ri keladigan qism, hissa] Biror bir narsaning yo‘l qo‘yilishi mumkin bo‘lgan qismi, ulushi; saylovda ovoz miqdori.
Kongress – [lot. uchrashish, ko‘rishish; to‘qnashuv] Muhim siyosiy, ilmiy va b. masalalar yuzasidan o‘tkaziladigan xalqaro konferensiya, kengash.
Konstitutsiya – [lot. belgilash, qaror qilish, tayinlash, qonunlashtirish] Davlatning yuksak yuridik kuchga ega bo‘lgan asosiy qonuni, barcha joriy qonunlarning asosi.
Konsalting – [ing. maslahat berish, maslahatlashish] Maxsus kompaniyalarning biznesmenlar – ishlab chiqaruvchilar, sotuvchi va xaridorlarga tashkiliy, texnikaviy, moliyaviy, iqtisodiy masalalar bo‘yicha maslahatlar, tavsiyalar berishdan iborat faoliyati.
Lizing – [ing. ijara, ijara shartnomasi, ijaraga bermoq] Asosiy ishlab chiqarish vositalari (mashinalar, asbob – uskunalar, transport vositalari, ishlab chiqarish inshootlari) va b. tovarlarni ishlab chiqarishda foydalanish uchun qarzni asta – sekin uzish sharti bilan uzoq muddatga ijaraga berish yoki olish.
Magistr – [lot. boshliq, murabbiy, ustoz] Ayrim mamlakatlarda, jumladan, O‘zbekistonda universitetni va unga tenglashtirilgan oliy o‘quv yurtini tugatgan, bakalavr darajasiga ega bo‘lib, 1 – 2 yil davomida magistraturada o‘qib, tegishli imtihonlarni topshirgan va dissertatsiya himoya qilgan shaxslarga beriladigan daraja va shu daraja egasi.
Marketing – [ing. bozor; sotish, pullash] Iqtisodiyotning mahsulot ishlab chiqarish va uni sotish (talab va iste’mol, mahsulotga narx belgilash, ularni targ‘ib qilish, sotilayotgan tovarlar hajmini ko‘paytirish vositalari kabi) muammolari bilan shug‘ullanuvchi sohasi.
Menejment – [ing. boshqarish, mudirlik; tashkil etish] Zamonaviy ishlab chiqarishni boshqarish (rejalash, tartibga solish, nazorat qilish), shuningdek, ishlab chiqarishga rahbarlik qilish, uni tashkil etish; boshqarish to‘g‘risidagi fan.
Monitoring – [ing. kuzatish, nazorat qilish] Biron – bir jarayonni uning kutilgan natija yoki dastlabki tahminga muvofiqligini aniqlash maqsadida doimiy kuzatib borish.