Bulardan tashqari, tovush o'zgarishlarining yana quyidagi ko’rinishlari mavjud

Fe’lning munosabat (sintaktik) shakllari
Fe’llarning gap tarkibida bajaradigan asosiy vazifasi kesim bo‘lib kelish ekanligi bizga ma’lum. Shu vazifani bajarish uchun fe’l ma’lum bir shakllarda kelishi lozim. Bunday shakllarga fe’llarning munosabat shakllari deyiladi.
Ona tili (6-sinf)
Fe’l asoslariga qo‘shilib, gapda kesim vazifasida qo‘llanilishiga xoslovchi shakllar fe’llarning munosabat shakllari hisoblanadi.
Fe’llarning zamon, mayl, shaxs-son qo‘shimchalari munosabat shakllari sanaladi. Bu shakllarga ega bo‘lgan har qanday fe’l gapda kesim vazifasida keladi.Yuqoridagi ma’no va shakllardan xoli bo‘lgan fe’l asosi fe’lning noaniq shakli hisoblanadi va bu shakl -moq qo‘shimchasi yordamida ifodalanadi.
Fe’lning mayl shakllari
Ona tili (6-sinf)
Fe’l ifodalagan harakat-holat haqidagi xabar, buyruq-istak, shart ma’nolarini ifodalovchi fe’l shakllari mayl shakllari sanaladi. Fe’llarning uchta mayl shakli mavjud: 1) xabar mayli; 2) buyruq-istak mayli; 3) shart mayli.
Harakat va holatning bajarilishi yoki bajarilmasligi haqidagi xabar, darakni bildiruvchi fe’l shakli xabar mayli shakli hisoblanadi. Bu mayl fe’l asosiga zamon va shaxs-son qo‘shimchalarini qo‘shish orqali ifodalanadi.
Harakat va holatni bajarish yoki
bajarmaslik haqidagi buyruq, istak, iltimos, maslahat ma’nolarini bildirgan fe’l shakli buyruq-istak mayli shakli sanaladi. Buyruq-istak mayli shakllari fe’l asoslariga quyidagi qo‘shimchalarini qo‘shish yo‘li bilan hosil qilinadi: -(a)y, -(a)yin, -gin (-kin, -qin), -(i)ng, -sin, -(a)ylik, -(i)nglar.
Boshqa bir harakat-holatning bajarilishi yoki bajarilmasligi uchun shart bo‘lgan harakat va holatni, shuningdek, istak-xohishni bildirgan fe’l shakli shart mayli shakli sanaladi, u –sa qo‘shimchasi yordamida yasaladi.
Fe’lning zamon, shaxs-son qo‘shimchalarisiz qismi II shaxs buyruq-istak maylini ifodalaydi. Bu qismga buyruq-istak ma’nosini kuchaytirish uchun –gin qo‘shimchasini qo‘shish ham mumkin, shuning uchun bu ikki shakl ma’nodosh sanaladi.
Shart mayli edi, ekan to‘liqsiz fe’llari bilan kelganda orzu-istak ma’nosini bildiradi, -sa, edi shakli ba’zan –saydi tarzida talaffuz qilinadi va shunday yoziladi. Shart mayli shakli kerak so‘zini olib kelganda, taxmin-gumon ma’nosini bildiradi.