Bulardan tashqari, tovush o'zgarishlarining yana quyidagi ko’rinishlari mavjud

Eslab qoling. Ba’zan -u,(-yu), -da yuklamalari ham biriktiruv bog‘lovchilari bajargan vazifalarni bajaradi.
Bilib oling. Zidlov bog‘lovchilari bog‘langan qo‘shma gap qismlarini bog‘lash bilan birga, ular o‘rtasida zidlik munosabati mavjudligini ham ifodalaydi. Zidlov bog‘lovchilari qo‘shma gapning ikkinchi qismi boshida qo‘llanadi va qo‘shma gap qismlari vergul bilan ajratiladi. Dilimizda orzu balandroq edi, lekin ko‘klam biroz noqulay keldi. (Oybek).
Eslab qoling. -u(-yu), -da yuklamalari bog‘langan qo‘shma gap qismlarini bog‘lash bilan birga, ular o‘rtasida zidlash, ketma-ketlik munosabati mavjudligini bildiradi.
Bilib oling. Ayiruv bog‘lovchilari qo‘shma gap qismlarini bog‘lash bilan birga, ularda ifodalagan voqea-hodisalarning galma-gal ro‘y berishini yoki ularning faqat bittasining yuzaga chiqishini ta’kidlaydi. Yo siz keling, yo men boray. (Qo‘shiq).
Yo (yoki) bog‘lovchisi yolg‘iz holda ham, takror holda ham qo‘llanishi mumkin. Qolgan ayiruv bog‘lovchilari takror holda qo‘llaniladi va yozuvda takror qo‘llanayotgan bog‘lovchidan oldin vergul qo‘yiladi.
Bilib oling. Inkor bog‘lovchisi bog‘langan qo‘shma gap qismlarini bog‘lash bilan birga, ularda ifodalagan harakat – holat yoki belgining inkorini ham bildiradi. Shuning uchun bunday bog‘langan qo‘shma gaplarda kesimlar bo‘lishli shakldagi fe’llar yoki bor, mavjud kabi so‘zlar orqali ifodalansa-da, mazmun inkor tarzda anglashiladi. Yozuvda takror qo‘llanayotgan bog‘lovchidan oldin vergul qo‘yiladi. Ko‘kda na bitta yulduz ko‘rinadi, na undan tushishi mumkin bo‘lgan bir qatim nur. (Ulug‘bek Hamdam)
Bilib oling. Bo‘lsa, esa so‘zlari bog‘langan qo‘shma gap qismlarini bog‘lash bilan birga, ular o‘rtasida qiyoslash va zidlash munosabati mavjudligini ifodalaydi. Bo‘lsa, esa so‘zlari qiyoslanuvchi bo‘lakdan so‘ng keladi. Egrilik insonni qabohatga yetaklaydi, to‘g‘rilik bo‘lsa uni saodatga boshlaydi.