Бухгалтерия ҳисобининг халқаро стандарти 8 Ҳисоб сиёсатлари, ҳисоблаб чиқилган баҳолардаги ўзгаришлар ва хатолар

(a) ҳисоб сиёсатидаги ўзгаришнинг хусусияти;
(б) янги ҳисоб сиёсатини қўллаш натижасида ишончли ва ўринлироқ ахборот таъминланишининг сабаблари;
(в) имкони борича, жорий давр ва тақдим қилинган ҳар қандай олдинги давр учун қуйидагилар бўйича тузатиш суммаси:
(i) молиявий ҳисоботнинг таъсир кўрсатилган ҳар қандай моддаси; ва
(ii) агар БҲХС 33 “Бир акцияга тўғри келадиган фойда” ушбу тадбиркорлик субъектига тегишли бўлса, бир акцияга тўғри келадиган базавий ва майдалаштирилган фойда;
(г) имкони борича, тақдим қилинган даврлардан олдинги даврларга тегишли бўлган тузатиш суммаси; ва
(д) агар ретроспектив қўллашни бирор олдинги давр учун ёки тақдим қилинган даврлардан олдинги даврлар учун амалга оширишни амалий имкони бўлмаса, бундай вазият бўлишига олиб келган шароитлар ва ҳисоб сиёсатидаги ўзгариш қачондан бошлаб ва қандай қилиб қўлланилганлигининг тавсифи.
Кейинги даврларнинг молиявий ҳисоботларида юқорида қайд этилган маълумотларни қайтадан очиб бериш шарт эмас.
30 Тадбиркорлик субъекти янги чиқарилган, аммо ҳали кучга кирмаган МҲХСни қўлламаган бўлса, тадбиркорлик субъекти қуйидагиларни очиб бериши лозим:
(a) ушбу фактни ўзини; ва
(б) ушбу янги МҲХСни биринчи марта қўллашнинг тадбиркорлик субъектининг молиявий ҳисоботларига мумкин бўлган таъсирини баҳолаш учун маълум бўлган ёки оқилона равишда баҳоланиши мумкин бўлган ўринли маълумотлар.
31 30 банднинг талабларига риоя қилишда, тадбиркорлик субъекти қуйидагиларни очиб беришни кўриб чиқиши керак:
(a) янги МҲХСнинг номи;
(б) ҳисоб сиёсатига киритиладиган ўзгариш ёки ўзгаришларнинг хусусияти;
(в) МҲХС қўлланилиши бошланиши талаб этиладиган сана;
(г) у ушбу МҲХСни биринчи марта қўллашни қайси санадан бошлашни режалаштирганлиги; ва
(д) қуйидагилардан бириси:
(i) МҲХСни биринчи марта қўлланилиши тадбиркорлик субъектининг молиявий ҳисоботларига кутилаётган таъсирини ёритиш; ёки
(ii) бундай таъсир номаълумлиги ёки оқилона равишда баҳолана олинмаслигини таъқидлаш.