Бугунги кунда жаҳонда туризм масалаларига ҳар қачонгидан кўра катта аҳамият берилмоқда

4.4.2. Табиатни муҳофаза қилиш.
Табиатни муҳофаза қилиш деганда, асосан икки муҳим тадбирни бажаришга тўғри келади, яъни: 1. Саёҳатчилар тартиб-қоидаларни бузмаслиги. 2. Бошқалар томонидан қилинган ножўя ҳаракатларнинг олдини олиш ёки унинг салбий оқибатларини тугатиш. Уларнинг қисқача мазмунларини қуйидагилар билан ифода этиш мумкин:
1. Саёҳатлар жараёнида барча қатнашчилар ўз жойларини тозалашлари, ёнғинларга йўл қўймаслик, дарахтларни кесиш-(синдирмаслик), сувларни ифлос қилмаслик, яшил ўтлоқлар, нодир гулларни пайхон (оёқ ости) қилмаслик лозим. Бу қоидалар табиат мувозанатининг (экология) сақланиши ва янада яхшиланишига сабаб бўлади.
2. Баъзи саёҳатчиларнинг эътиборсизлиги ёки атайлаб қилиши натижа-ларида қуриган ўтлар, шохлар, дарахтлар ёниб кетиши, атроф-муҳитга, айниқса ҳайвонот оламига катта зарар келтириши аниқ. Шунингдек, одамларнинг экин майдонлари, уй ҳайвонлари ва яшил ўтлоқларда уларга зарар келтириш ҳоллари ҳам учраши мумкин. Яъни меваларни рухсатсиз олиш, товуқ, курка, қўзи-улоқларни ўғирлаш, от, эшакларни рухсатсиз миниб бошқа жойларга ташлаб келиш кабилар. Бундай салбий ва нохуш хусусиятларга йўл қўймаслик учун энг аввало саёҳат раҳбари ва унинг фаол ёрдамчилари доимо, ҳар қадамда ҳушёр бўлиб, кузатувчилик ишларини олиб бориш лозим бўлади.
3. Табиатни муҳофаза қилишнинг энг муҳим йўли шундаки, жойлардаги ерли аҳоли билан мулоқотда бўлиш, уларнинг розилиги ва рухсати билан қуйи-даги ижтимоий меҳнатни бажариш керак:
- дарахт кўчатларини экиш (баҳор ёки кузда), уларни суғориш;
- чорва моллари учун хашак ўриш, тўплаш, ташиш;
- қўзи ва улоқларни йиғиш ва уларни парваришлаш;
- йиғим-теримда (мева, сабзавот, дон, полиз ва ҳоказо) кўмаклашиш;
- ёрдамга муҳтож кишилар ҳолидан хабар олиш, имконият даражасида амалий ёрдам кўрсатиш ёки мутасадди ташкилотлар, идораларга хабар бериш.
Хулоса қилиб айтганда саёҳат жараёнларида барча махсус тадбирлар қа-торида ўлкани ўрганиш, табиатни муҳофаза қилиш, ижтимоий фойдали меҳнат-ларни амалга ошириш муҳим аҳамиятга эгадир. Шу асосда ўқувчи-ёшлар ва меҳнаткашларнинг маънавий-маърифий маданиятини тарбиялаш, инсоний фа-зилатларни мустаҳкамлаш имкониятлари кенгайиб боради.