Бугунги кунда жаҳонда туризм масалаларига ҳар қачонгидан кўра катта аҳамият берилмоқда

5.2. Туристик клублар ва секцияларнинг фаолияти.

Мамлакатимиз мустақиллиги, олиб борилаётган турли хил туб ислоҳот-лар барча соҳалар каби туризмда ҳам ишларни аниқ режалаштириш, шарт-шароитларни ҳисобга олиш, ижрони амалга ошириш, назорат қилиш ва тек-шириш каби энг зарур вазифаларни ўз ичига олади.

Таълим муассасалари, ишлаб чиқариш (қўшма) корхоналар, аҳоли истиқомат жойларида ташкил этилган (ёки ташкил этиладиган) туристик клублар ёки секциялар (тўгараклар) ўз иш фаолиятларини режалаштириш ва юритишда қуйидагиларга (намунавий иш режаси) асосланиш мақсадга мувофиқ бўлади. Яъни:
1. Бошқарув (ташкилий) фаолиятлар:
- умумий (таъсис) мажлисни ўтказиш. Бунда ҳисобот бериш ва янги бошқарув кенгашини сайлаш. Шунингдек, йиллик иш режасини тасдиқлаш;
- кенгаш (совет ёки бюро) йиғилишларини ҳар ойда ўтказиб бориш;
- бунда аъзоларнинг ҳисоботи, режаларни ишлаб чиқиш, эҳтиёжга зарур бўлган ишларни амалга ошириш;
- юқори туристик ташкилотлар фаолияти билан алоқадор бўлиш, уларнинг кўрсатма ва топшириқларини бажариш;
- жамоатчи кадрлар тайёрлаш, уларнинг малакаларини ошириш, семинар машғулотларини ўтказиб бориш;
2. Оммавий тадбирларни ўтказиш:
- дам олиш, таътил кунлари ва улуғ саналарга бағишлаб сайр-саёҳатлар ўтказиш.
- саёҳат йўлларини (маршрут) ишлаб чиқиш ва тасдиқлатиш;
- “Аждодлар мероси”, “Тарихий обидалар”, “Замонавий қаср ва кошоналар” мавзусида сайр ўтказиш;
- “Ўзбекистон саёҳатчиси”, “Алпомиш” ва “Барчиной” махсус тестларидаги туризм норматавларини (талаблар) бажариш учун оммавий саёҳатлар ташкил қилиш;
- Хотира майдонларига сайр уюштириш;
- туристик техника бўйича жамоа биринчилиги учун мусобақалар ўтказиш.
3. Тарғибот ишлари:
- жамоанинг “Саёҳатчи” деворий (нашрли) газетасини ташкил этиш, унинг сифатига эътибор бериш;
- туризм мавзусида маърузалар ташкил этиш ва унга мутахассислар, фахрийларни жалб этиш;
- “Менинг ватаним”, “Табиатни асра” (экология), “Жисмоний чиниқиш” каби мавзуларда мулоқотлар, давра суҳбатларини ўтказиш;
- видеотасвирларга олинган энг намунали табиат манзаралари ва саёҳатчиларнинг фаолиятларини доимий равишда намойиш қилиб бориш;
- матбуот ва телерадиоларда чиқишни ташкил қилиш;
- фаол саёҳатчиларнинг фотосуратлари ва фаоллияти ҳақида экспонатлар, витриналар ташкил қилиш;
- туризм бўйича мусобақаларда ғолиб чиққанларни тақдирлаб бориш, рағбатлантириш;
- касб-ҳунар билан боғланган саёҳатлар, жисмоний чиниқишлар ҳақида ташвиқотлар олиб бориш;