Бугунги кунда жаҳонда туризм масалаларига ҳар қачонгидан кўра катта аҳамият берилмоқда

4.3. Саёҳатларда жисмоний чиниқиш йўллари.
4.3.1. Саёҳатларгача жисмоний тайёргарлик.

Маълумки пиёда юриш саёҳати иштирокчилар, айниқса туризм билан шу-ғулланувчиларнинг жисмонан соғлом, бақувват ва чиниққан бўлишини талаб этади.

Шу сабабдан саёҳатларга тайёргарлик кўришда махсус жисмоний тарбия билан шуғулланиш лозим бўлади. Бунинг учун эса қуйидаги талабларни бажариш шартдир:
1. Тиббий кўрикдан ўтиш, шифокорлар рухсатини олиш.
2. Ҳар куни эрта тонгда бадан тарбия машқларини (юриш, югуриш, 8-10 та умумривожлантирувчи машқлар) бажариш.
3. Об-ҳавонинг қулайлигига қараб ярим белгача совуқ (илиқ) сувда ювиниш ва баданни нам сочиқ билан қаттиқ ишқалаб артиш.
4. Жисмоний тарбия дарслари, спорт машғулотлари ва мусобақаларда фаол шуғулланиш.
5. Имконият даражасида кунора (ҳар куни) кечки пайтларда 4-5 км масо-фаларни тез юриш ва ўртача тезликда югуриш билан ўтказиш.
6. Машқлар (югуриш) олдидан тинч ҳолда қон томирларининг уришини ўлчаш. Машқлар тугагач (баъзан оралиқда ҳам) яна қон томирларнинг уриши даражасини ўлчаб, ҳар доим солиштириб бориш. Кескин ўзгариш юз берса шифокорга учрашиш.
7. Жисмоний ривожланиш даражасини (турник ёки дарахтларда қўлл-арда тортилиш, қўлларга таянган ҳолда букиб ёзиш, гантел ёки гирларни кўтариш, тиззаларни букиб ўтириш ва туриш ва ҳоказо) ва ривожланишини ўлчаш ва уларнинг миқдорларини аста-секин ошириб бориш.
8. Секин ва катта қадамлар ташлаб юраётганда чуқур нафас олиш (қа-дамларни санаш) ва секин чиқариш (қадамларни санаш). Бу ҳолатларни ҳам назорат қилиб бориш ва миқдорларни ошириш.
Мазкур машқ-фаол ҳаракатлар ўқувчи-ёшлар, талабалар ва меҳнаткаш-ларнинг жисмоний тайёргарлиги ва ривожланишига ижобий таъсир этишига ҳечқандай шубҳа бўлиши мумкин эмас.
Шароит ва имконият бор жойларда эрталаб ёки кечки бўш пайтларда футбол, волейбол, баскетбол, теннис, бадминтон ўйнаш ва ҳавзаларда (ариқ, канал) чўмилиш тавсия этилади.
Хуллас, пиёда юриш саёҳатларига тайёргарлик жараёнларида (умуман ҳамма вақт) жисмоний тарбия ва спорт билан мунтазам шуғулланиш зарур бўлади. Бунга ўрганган кишилар саёҳатларда учрайдиган ҳарқандай қийин-чиликларни енга олади ёки уларга чидай билади.