Бошланғич синф ўҚувчиларининг ўҚув-билув фаолияти мухутида тахлилий фикрлашга ўргатиш мундарижа

Ўзим текшираман” ўйини.
Бундай ўйинларни ўтказишда ўқитувчи кичик ҳажмдаги диктантларни танлайди.
Бошланғич синфларнинг ҳар бир синфида дарснинг бошланишида қўллаш мумкин. Ўқитувчи ўқувчиларга кичик ҳажмдаги диктант ёздиради. Барча ўқувчилар диктантни ёзиб бўлишгач, ўқитувчи доскага диктантни ёзиб кўрсатади. Ўқувчилар эса ўқитувчининг ёзганига қараб, ўзлари ёзган диктантларини текширадилар. Диктант олдиндан доскада ёзилиб, усти ёпиб қўйилган бўлса, ўқитувчи пардани очади. Бундай диктантларни ҳатто алифбе даврида ҳам қўллаш мумкин бўлиб, ўқитувчи дастлаб фақат ҳарфлардан, сўнг (ундош ҳарфлар билан таништирилгач) бўғинлардан иборат диктант ёздириши мумкин:
1-вариант: Оо, Ии, Уу, Аа, Ўў
2-вариант: -Ло, -но, -то, -ми, -ун, -ин
3-вариант: Бола, лола, она, зар, пар
4-вариант: Бугун ҳаво иссиқ.
Бугунги кунда, бошланг`ич та`лимда ўқувчиларнинг ёш хусусиятлари,
саводхонлик даражалари, шахсий табиатларига кўра дидактик ўйинлар, эвристик суҳбат, мантиқий бошқотирма, лойиҳалаштириш асосидаги методлар кенг қўлланилмоқда. Бу технологиялар ўқувчи фаолиятини фаоллаштириш ва жадаллаштиришга, ижодий имкониятларни рўёбга чиқариш ва ривожлантиришга, амалий ечимларини аниқлаш ва амалга оширишга, ички имкониятларини ишга тушишига, ўйлашга, эркин фикр юритишга, мулоқотга, ижодкорликка асосланган. Айниқса, унда атроф-муҳит, ҳаётни билишга қизиқиш ортади, учраган қийинчилик, тўсиқларни, қандай енгиш ва танқидий фикрлаш кўникмаларини шакллантиради.