Бошқариш”, “назорат қилиш” маъноларига эга, “space

Фишинг қуйидаги кўринишларда учрайди:
- фирибгарлар томонидан машҳур компаниялар номидан логин ва паролни тасдиқлаш сўрови билан миллионлаб хатлар турли хил электрон почталарга юборилади. URL манзилга кирилганда ҳақиқийсига жудаям ўхшаш бўлган ресурсга кирилади;
- эҳсон учун пул йиғилиши, ҳайрия тадбирлари ўтказиш орқали маблағ тўплаш учун ташкил этилган сохта интернет ташкилотлари вебресурсларига йўналтирилади;
- нархлари жудаям арзон бўлган онлайн-дўконларда аслида мавжуд бўлмаган товарлар учун маблағ тўланади. Ҳақиқий маҳсулотнинг сурати остига арзон нарх ёзилади.


Мисол учун: Андижон вилоятида жойлашган “ЎзДонгЯнгКо” қўшма корхонаси хом ашёни тўғридан-тўғри сотиб олиш мақсадида Ж.Корея давлатининг “Lotte Chemical Corporation” корхонаси билан электрон почта орқали мулоқотга киришилган.
Ж.Корея корхонаси сотув бўлими менджери Жанг Мин “[e-mail]” номли электрон почта орқали “ЎзДонгЯнгКо” қўшма корхонаси вакили Элдор Назировнинг “[e-mail]” номли электрон почтаси билан мулоқот олиб борилган.
Келишувлар натижасида, полимер маҳсулотларни 87.770 АҚШ долларга сотиб олиш бўйича шартома тузилган ва Ж.Корея корхонаси вакили (Жанг Мин)нинг почтасидан Элдор Назировга жўнатилган.
Бироқ, Жанг Мин электрон почтаси хакерлар ёрдамида “бузилиб”, ундан юборилган шартнома қалбакилаштирилган, ундаги ҳисоб рақамлари ўзгартирилганлиги сабабли, Андижон вилоятидаги қўшма корхона вакили Элдор Назировнинг электрон почтасига сохта ҳужжатлар келиб тушган.
Элдор Назиров келиб тушган қалбки шартнома ва банк ҳисоб рақамларини ҳақиқий деб ўйлаб, унга асосан 87.770 АҚШ доллари маблағларини ўтказган. Ўз навбатида, ушбу тўлов қилинган маблағлар Ж.Корея корхонасига эмас, балки сохта шартномада хакерлар кўрсатган манзилга юборилган. Ҳозирда ҳолат бўйича терговга қадар текширув олиб борилмоқда (Иловадаги расмда кўрсатилган).


Яна бир мисол: “Pay pal” халқаро тўлов тизими орқали фойдаланувчининг электрон почтасига “Хавфсизлик нуқтаи назаридан сизнинг аккаунтингиз блокланди. Активлаштириш учун қайта рўйхатдан ўтинг” мазмунида хабар келади ва унда “Pay pal” халқаро тўлов тизимининг ҳақиқий URL манзили (www.paypal.inc.com) кўрсатилганлиги сабабли хабарнинг сохта эканлигини англаш қийин бўлади.
Фойдаланувчи тўлов тизимидан қайта рўйхатдан ўтиш учун тақдим этилган URL манзили (www.paypal.inc.com) орқали кирилганда, у умуман бошқа вебресурсга (www.scmc.org) йўналтирилади. Лекин бу саҳифанинг URL манзили нотўғри бўлсада, унинг интерфейсида “Pay pal” халқаро тўлов тизими вебсаҳифаси билан бир хил бўлган саҳифа очилади. Ушбу саҳифадаги реквизитларни (Ф.И.Ш., карта рақами, амал қилиш муддати, код рақамлари ва бошқа конфеденциал маълумотлар) фойдаланувчи тўлдириши билан фишер (фишингни амалга оширувчи) ўз мақсадига эришади ва унинг картасида бўлган пул маблағларини қўлга киритади (қуйида ушбу жараён кўрсатилган).