Bolalar rivojlanishidagi nuksonlarning klinik asoslari

Download 2,24 Mb. bet 2/54 Sana 07.04.2022 Hajmi 2,24 Mb. #535756

Bog'liq
Difektalogiya

Bu sahifa navigatsiya:

• Fanining maqsadi va vazifalari

C. Mambetullaeva

- Berdaq nomidagi Qoraqalpoq davlat universiteti biologiya kafedrasi professori, biologiya fanlari doktori.

Kirish
Nerv va lor a’zolari patologiyasi haqidagi ushbu qo‘llanma defektolog-talabalar, pedagoglar hamda ruhiy jihatdan nosog‘lom bolalar bilan shug‘ullanayotganlar uchun mo‘ijallangan. Miya va lor a’zolarining tuzilishi va ularning faoliyati ruhiy jarayonlarning tub mohiyati nafaqat yosh avlodni tarbiyalab kelayotgan pedagoglar, balki jamoatchilikni ham qiziqtirib kelgan. Bu sohadagi bilim ayniqsa ruhiy jihatdan nosog'lom bolalarni tarbiyalash va o‘qitish bilan shug‘ullanayotgan maxsus pedagoglar uchun juda ahamiyatlidir. Nerv va lor a’zolari tizimi anatomiyasi, fiziologiya va patologiyasi haqida keltirilayotgan ma’lumotlar maxsus pedagogikaning asosini tashkil etadi. Bu sohani o‘rganish yosh pedagog-tarbiyachilarni maxsus bilimlar asosida o‘sib kelayotgan bolalarning turli nuqsonlarini bartaraf qilishda amaliy malakalarni shakllantiradi. Imkoniyati cheklangan bolalarni tarbiyalash va ularga bilim berishda faqatgina tibbiy adabiyotlardan foydalanish ko‘p hollarda samarali emasligi, nevropatologiya darsliklari pedagoglar uchun birmuncha murakkabligi, yetarli darajada pedagogik faoliyat uchun moslashtirilmaganligi sababli ushbu qo‘llanmani yaratish lozim deb topildi. Bu qo‘llanma maktabgacha tarbiya va defektologiya yo‘nalishi talabalari uchun bolalardagi nuksonlarni o‘zlashtirish borasida orttirilgan pedagogik tajribalar, mohir pedagok ish usullari, A. Bekimbetova va S.Mambetullaeva kabi pedagogika ilim nomzodlarining tavsiyanomalari asosida yozildi. Pedagoglar faoliyatida nerv va lor a’zolari kasalliklariga chalingan bolalar ham uchrab turadi. Nerv va lor a’zolari kasalligiga uchragan bolalar tarbiyasi xususiyatlari haqida muhokama yuritiladi.

Fanining maqsadi va vazifalari

Bolalarga ziyon ta’sirlarni organizmga qaysi yo‘l bilan ta’sir etishi va organizmda qanday o‘zgarishlarga olib kelishi, organizmni himoya xossalari; nutq, eshitish a’zolarining tuzilishi, patologiyasi, nerv sistemasining tuzilishi, faoliyati bilan tanishish; asab-ruhiy kasalliklarni kelib chiqish sabablari, patogenezi, klinik ko‘rinishlarini o‘rgatish fanning maqsadini tashkil qiladi.

Fanning vazifasi – psixik va jismoniy rivojlanishida kamchiligi bo‘lgan bolalarda namoyon bo‘ladigan nuqson va kasalliklarning nazariy asoslarini yoritib berish, talabalarni asab tizimi kasalliklari, nutq eshitish a’zolari kasalliklari, asab-ruhiy kasalliklarni kelib chiqish sabablari, patogenezi, klinik ko‘rinishlari bo‘yicha bilimlar bilan qurollantirishdan iborat.

Download 2,24 Mb.

Do'stlaringiz bilan baham: