Болалар касалликлари пропедевтикаси ва умумий парвариш кафедраси касаллик тарихи лойихаси

1. Кера нуқтаси ёки ўт пуфаги нуқтаси, ўнг тўғри мускул ташқи қирғоғи билан ўнг қовурға равоғининг бириккан нуқтаси.
2. Мейо - Робсон ёки панкреатик нуқта (меъда ости безининг тана ва дум қисмининг оғриқ нуқталари). Чап квадрат бўйлаб киндикдан чап қовурға равоғига ўтказилган биссектрисанинг юқорига 1/3 қисмидаги нуқтага жойлашган.
3. Дежарден нуқтаси (меъда ости безининг бош қисми оғриқ нуқтаси). Киндикдан ўнг қовурға равоғига ўтказилган биссектрисадаги, киндикдан 5 см юқорида.
4. Боас нуқтаси. X,XI,XII кўкрак умуртқа поғонасининг кўндаланг ўсимтаси босилганда, ошқозонда ёки 12 бармоқли ичакда яра бўлса, оғриқ пайдо бўлади.
5. Опенжовский нуқтаси. 10.11.12. кўкрак умуртқа поғоналарининг ўткир ўсимтаси босилганда ҳам, агар оғриқ пайдо бўлса, ошқозонда ёки 12 бармоқли ичакда яра борлигидан далолат беради.
Шунингдек оғриқ симптомлари ҳам мавжуд бўлиб, уларга қуйидагилар киради:
1. Георгиевский - Мюсси - (Френикус) симптоми жигар ёки ўт пуфаги жароҳатланган бўлса, тўш- ўмров сўрғичсимон мускули оёқчалари орасини босса, ўнг томонда оғриқ пайдо бўлади.
2. Мерфи симптоми: ўт пуфагини жароҳатланиш жараёни бўлса, мусбат бўлади. Бу симптомни текшириш учун, беморни ўтирган ва бироз энгашган ҳолда нафас олиш таклиф этилади. Ўнг қўл бармоғини кафт юзаси томони билан ўнг қовурға равоғига, ўт пуфак проекциясига киргизиш керак. Агар бемор нафас олганда оғриқ пайдо бўлса, симптом мусбат ҳисобланади.
3. Ортнер-Греков симптоми: ўнг қовурға равоғи бўйлаб, кафтни ташқи қирраси билан урилса, агар ўт пуфаги ёки жигар жароҳатланган бўлса, оғриқ пайдо бўлади.
4. Мендель симптоми: Бу симптомни қилиш учун, беморга қорин типида чуқур нафас олиш таклиф этилади. (мақсад ошқозоннинг олдинги деворини қорин бўшлиғи деворига яқинлаштириш ва ошқозонни текширишга янада осон бўлишидир). Эпигастрал соҳани бармоқ билан ёки болғача ёрдамида аста - секин уриб кўрилса, агар оғриқ пайдо бўлса, демак яранинг аниқ топографик жойлашган соҳасининг Мендель симптоми ёрдамида аниқаш мумкин.