Бобир Исмоилов

Хотин билан муомала

Таниш йигит савол берганди – ота-онам ишимга аралашишяпти, топган пулимга бизнес қилмоқчиман, лекин улар бошқа режалар қуришяпти, деб. Шунга фикрларимни қуйида баён қилдим. Бу фикрлар нафақат ота-она, балки бошқа оила аъзоларига нисбатан ҳам тўғри, деб биламан.

• 
  Топаётган пулингни биров билмасин. Ота-отанг, хотининг ва бошқалар.
  
• 
  Муҳим бўлмаган ишингни ошкор қил, асосий лойиҳаларингни бировга билдирма.
  
• 
  Ота-онанга ҳар ой пул ажрат, кўп бўлиши шарт эмас.
  
• 
  Пулларингни тўпла, бекорчи нарсаларга ишлатиб юборма.
  
• 
  Пулингни ўзинг йиғ, ота-онанга, синглинга, хотининга сақлашга бериб қўйма – ўзинг жавобгар бўл.
  
• 
  Хуллас, оилангга пул ажрат, бизнес ё проектинг бюджети эса алоҳида бўлсин.
  
• 
  Бўлар-бўлмас хобби ё лойиҳачаларга пул кетказма.
  
• 
  Оила аъзоларинг, қариндошларинг, дўстларинг билан шерикчилик қилма; иложи бўлса, ҳеч ким билан шерикчилик қилма (ҳамкорлик бошқа масала).
  
• 
  Шерикчиликни фақат устоз-шогирд кўринишида қилиш мумкин: шогирддан вақт ва ҳаракат, устоздан эса билим, уқув ва балки ресурслар. Муҳими, бошлиқ ролидаги шерик белгиланган бўлиши шарт.
  
• 
  Ишхонанг, бизнес проектларинг, режаларинг ҳақида оила аъзоларинг ва қўл остингдаги инсонлар билан маслаҳатлашма.
  
• 
  Бизнес бўйича саводингни ошир, ташқаридан устозинг бўлсин.
  

Буларга қўшимча сифатида, ташқи алоқаларимизни оиладан айри ушламоғимиз даркор. Ишхона, дўстлар ҳақида хотин билан суҳбатлашиш ноўрин.

Оила ва фирма бир-бирига ўхшаш ташкилотлар. Бекорчилик натижасида аъзолар деградацияга учрайди. Бошлиқнинг вазифаси – ташкилот аъзоларини аниқ вазифалар билан банд қилиш. Оилада ҳам шунга ҳаракат қилиш керак.
Ҳозирда кўчада овқатланиш мумкин, кир-чирни ҳам турли хизматларга топширса бўлади. Оила ичидаги деярли барча сервисларни ташқи провайдерлардан сотиб олса бўлади. Бироқ маълум бир қисмини уй аъзолари шахсан бажаришлари лозим. Меҳнат, қийинчилик ва умумий лойиҳалар оилани жипслаштиради. (Эру-хотин вақти-вақти билан урушиб туриши ҳам нормал ҳолат.)