Бизнинг ҳаниф Ислом динимиз покликка жуда катта аҳамият берган ва

Фарз намозлари –
Аллоҳ таолонинг амри билан ҳар бир мусулмон зиммасида 
бурч ҳисобланган беш вақт намоз (бомдод, пешин, аср, шом, хуфтон) ва жума 
намози ҳамда (мусулмонлардан баъзиларининг ўқиши билан бошқалардан соқит 
бўлувчи) жаноза намози.
Вожиб намозлар –
ҳар куни хуфтондан сўнг ўқиладиган витр намози, рамазон ва 
қурбон ҳайити намозлари, Байтуллоҳдаги тавоф намози.
Суннат ва нафл намозлари –
беш вақт фарз намозлардан олдин ѐки кейин 
ўқиладиган суннат намозлар, таровеҳ, истисқо, «Таҳиятул-масжид» намози, зуҳо 
(чошгоҳ), таҳажжуд, истихора, ҳожат сўраш намозлари, таҳорат ѐки ғуслдан сўнг, 
сафарга чиқаѐтганда, ой ѐки қуѐш тутилганда ўқиладиган намозлар.
НАМОЗ ВАҚТЛАРИ 
Намозни ўз вақтида ўқиш фарз валозимдир. Вақти кирмасдан ўқилган намозлар 
ҳисобга ўтмайди. Вақтида ўқишга улгурилмаган намозларнинг қазоси ўқилади.
Алий розияллоҳу анҳудан ривоят қилинади:
«Набий соллаллоҳу алайҳи васаллам у кишига: «Эй Алий, уч нарсани ортга 
сурмагин. Намозни вақти кирганда, жанозани ҳозир бўлганда ва эрсиз аѐл тенгини 
топганда», дедилар»
Имом Термизий ривоят қилган.
Ибн Умар розияллоҳу анҳудан ривоят қилинади:
«Набий соллаллоҳу алайҳи васаллам: «Намознинг аввалги вақти Аллоҳнинг 
розилигидир. Охирги вақти Аллоҳнинг афвидир», дедилар»

---

Имом Термизий ривоят қилган.
Аллоҳ таоло фарз қилган намозларнинг ўқиш вақти қуйидаги пайтларда бўлади:
1. Бомдод намозининг вақти 
– субҳи содиқдан (чин тонг отгандан) кун 
чиққунчадир.
2. Пешин намозининг вақти
– қуѐш заволга (оғишга) кетганидан сўнг то 
нарсаларнинг сояси қуѐш тиккага келган пайтдаги соясидан ташқари ўз узунлигига 
нисбатан икки баравар ортгунига қадар.
3. Аср намозининг вақти
– ҳар бир нарсанинг сояси қуѐш тиккага келган пайтдаги 
соясидан ташқари ўзига нисбатан икки баравар ортганидан бошлаб қуѐш 
ботгунчадир.