Birinchi bob

NATURAGA ASOSAN RASM CHIZISH. “GULDASTA”
Mashg’ulotning maqsadi: Guldastadagi gulning shakli va jixatlarini aks yettirish uchun bolalarni namunaga qarab chizishga o’rgatish. Kompozisiyani tasvirlashda diqqatni jihozga qaratish.Natyurmortga nisbatan qiziqish uyg’otish.
Mashg’ulotga tayyorgarlik: Inson xayotida gullar va ularning roli haqida suxbat uyushtirish.
Mashg’ulot uchun lozim bo’ladigan jihozlar: 2-3 gul nartyumortlarini ko’rib chiqish. Rasm chizish uchun oq, havo rang, och- sariq, pushti rang, och- yashil rang, guash va akvarel bo’yog’i, muyqalam, suv, qogoz va mato salfetkalar.
Mashg’ulotning borishi: O’qituvchi 2-3 xil nartyumortni ko’rsatadi va bolalarning diqqatini kompozisiyaning xususiyatlariga qaratadi.
O’qituvchi bolalar diqqatini 3-5 ta gullardan tashkil topgan guldastaga qaratadi (masalan, lola, chinnigul, atirgul) .
O’qituvchi: «Kelinglar hozir biz gullarni namunaga qarab haqiqiy musavirlardek rasm chizamiz. Faqat ular mana bu guldastaga o’xshab ko’rinishi lozim. Suratdagi gullarga diqqat bilan qarang: gullar, barglar shakli, qanday joylashgani,shoxchalar qaysi tomonga engashganligini ko’rib chiqing.
1. Qanday gulning barglari ko’p?
2. Qaysi gullarning bargi kam?
3. Qanday gullar uzaro bir- biriga o’xshaydi?
4. Qanday gullar aylana shaklidan boshlanadi. Oval shaklidan-chi?
5. Moychechakning qo’ng’iroq gul yaprog’ining, atirgul yaprog’ining shakli qanaqa?
6. Musavir bu gullarni chizishda qanday bo’yoqlardan foydalangan?
(och- pushti rang, malina rangi, tillarang va boshqa ranglar)
7. Mana bu atirgulni tasvirlash uchun qanday ranglarni olasiz?
8. Lolani-chi?
9. Na’matakning rangi qanday?
10. Sarik rangdagi qalam bilan qanday gullarning rasmini chizasiz?
11. Binafsha rangli qalam bilan qanday gullarni chizasiz?
12. Pushti rangda-chi?
Shu tariqa bolalar namunaga qarab gul rasmini chizishadi. Mashg’ulot oxirida bajarilgan ishlar ko’rgazmasi taskil qilinadi.