Birinchi bob

MAVZU: NATURAGA ASOSAN RASM CHIZISH. “GULDASTA”
Mashg’ulotning maqsadi: Guldastadagi gulning shakli va jihatlarini aks yettirish uchun bolalarni namunaga qarab chizishga o’rgatish. Kompozisiyani tasvirlashda diqqatni jihozga qaratish.Natyurmortga nisbatan qiziqish uyg’otish.
Mashg’ulotga tayyorgarlik: Inson xayotida gullar va ularning roli xaqida suxbat uyushtirish.
Mashg’ulot uchun lozim bo’ladigan jihozlar: 2-3 gul nartyumortlarini ko’rib chiqish. Rasm chizish uchun oq, havo rang, och- sariq, pushti rang, och-yashil rang, guash va akvarel bo’yog’i, mo’yqalam, suv, qog’oz va mato salfetkalar.
Mashg’ulotning borishi: O’qituvchi 2-3 xil nartyumortni ko’rsatadi va bolalarning diqqatini kompozisiyaning xususiyatlariga qaratadi.
O’qituvchi bolalar diqqatini 3-5 ta gullardan tashkil topgan guldastaga qaratadi (masalan, lola, chinni gul, atirgul).
O’qituvchi: «Kelinglar hozir biz gullarni namunaga qarab haqiqiy musavirlardek rasm chizamiz. Faqat ular mana bu guldastaga o’xshab ko’rinishi lozim. Suratdagi gullarga diqqat bilan qarang: gullar, barglar shakli, qanday joylashgani, shaxchalar qaysi tomonga engashganligini ko’rib chiqing.
1. Qanday gulning barglari ko’p?
2. Qaysi gullarning bargi kam?
3. Qanday gullar o’zaro bir- biriga o’xshaydi?
4. Qanday gullar aylana shaklidan boshlanadi. Oval shaklidan-chi?
5. Moychechakning, qo’ngiroq gul yaprog’ining. atirgul yaprog’ining shakli qanaqa?
6. Musavvir bu gullarni chizishda qanday bo’yoqlardan foydalangan?
(och-pushti rang, malina rangi, tillarang va boshqa ranglar)
7. Mana bu atirgulni tasvirlash uchun qanday ranglarni olasiz?
8. Lolani-chi?
9. Na’matakning rangi qanday?
10. Sariq rangdagi qalam bilan qanday gullarning rasmini chizasiz?
11. Binafsha rangli qalam bilan qanday gullarni chizasiz?
12. Pushti rangda-chi?
Shu tariqa bolalar namunaga qarab gul rasmini chizishadi. Mashg’ulot oxirida bajarilgan ishlar ko’rgazmasi tashkil qilinadi.