Bir guruh xodimlar, jumladan V. Burxonov, B. Ixtiyorov hamda M. Salimova

---

Bir guruh xodimlar, jumladan V.Burxonov, B.Ixtiyorov hamda M.Salimova 
2017 yildan buyon “LES AILES” kompaniyasida oshpaz lavozimida ishlab kelishar 
edi. 2021 yil 23-mart kuni kompaniya HR menejeri tomonidan ularning malakasi 
yetarli emas deb baholandi va bu xodimlarga mehnat intizomini buzganligi uchun 
ish haqining 60 % miqdorida jarima jazosi qo'llanildi. Bunga sabab qilib esa, 
kompaniyada mijozlar tomonidan yozib boriladigan shikoyatlar daftarida 2021 yil 
12, 14 hamda 21-mart kunlarida ular tomonidan tayyorlangan gazaklar mijozlarga 
umuman yoqmaganligi qayd etilganligini bildirdi. Shundan so'ng, 2021 yil 30-mart 
kuni HR menejeri ular bilan tuzilgan mehnat shartnomasini O'zbekiston 
Respublikasi Mehnat kodeksining 100-moddasi ikkinchi qismi 3-bandi bilan bekor 
qildi. Bu vaziyatda mehnat huquqlari buzilganligini bilgan har bir xodim o'zlari 
yashab turgan tuman mehnat inspektoriga murojaat qildi.
Muammoli vaziyatni tahlil qiling. Xulosangizni bildirish uchun har bir 
vaziyatni qismlarga bo'lib, yoritib chiqing. 

---

Mazkur kazusni huquqiy tahlil qilar ekanmiz, uning muammoli holatlarini 
aniqlashtirib olsak, o`ylaymanki, maqsadga muvofiq bo`ladi: 
Birinchidan,
mehnat huquqida korxona, tashkilot va muassasaning ichki 
idoraviy hujjatlarning tutgan roli qanday? 
Ikkinchidan,
HR menenjeri 2021 yil 23-mart kuni kompaniya HR menejeri 
tomonidan xodimlarning malakasi yetarli emas deb baholandi va bu xodimlarga 
mehnat intizomini buzganligi uchun ish haqining 60 % miqdorida jarima jazosi 
qo'llandi? Intizomiy jazo chorasining huquqiy tabiati qanday? 
Uchinchidan,
2021 yil 30-mart kuni HR menejeri ular bilan tuzilgan mehnat 
shartnomasini O'zbekiston Respublikasi Mehnat kodeksining 100-moddasi ikkinchi 
qismi 3-bandi bilan bekor qildi. Mazkur holat qonuniy jihatdan to`g`rimi?
Yuqoridagi savollarni tahlil qilishda quyidagi normativ-huquqiy hujjatlardan 
foydalaniladi: 
1)
O`zbekiston Respublikasining Fuqarolik protsessual kodeksi; 
2)
O`zbekiston Respublikasining Mehnat kodeksi; 
3)
O`zbekiston Respublikasining yangi tahrirdagi Mehnat kodeksi; 
4)
O‘zbekiston Respublikasi Oliy sudi Plenumining 1998-yil 17-apreldagi 12-
sonli “Sudlar tomonidan mehnat shartnomasi (kontrakti)ni bekor qilishni 
tartibga soluvchi qonunlarning qo‘llanilishi haqida”gi qarori; 
5)