Bir guruh xodimlar, jumladan V. Burxonov, B. Ixtiyorov hamda M. Salimova

Birinchi muammoli vaziyatning yechimiga to`xtalamiz, mehnat huquqida 
korxona, tashkilot va muassasa ichki idoraviy hujjatlarning tutgan roli 
qanday? 
Mehnatga oid lokal hujjatlar – O'zbekiston Respublikasi Mehnat Kodeksining 
1-moddasi asosida ishlab chiqilgan va ish beruvchi tomonidan tasdiqlanib, zarur 
hollarda kasaba uyushmasi bilan kelishib amalga kiritilgan ichki hujjatlardir.
Ya'ni, mehnatga doir qonunchilik hujjatlari bilan tartibga solinmagan va 
(yoki) qonunchilik bilan yo'naltirilgan (havola qilingan) hamda “bo'shliq” sifatida 
qoldirib ketilgan munosabatlar ichki lokal hujjatlar bilan tartibga solinishi mumkin.
Lokal hujjatlarning turlari: 

jamoa kelishuvlari; 

jamoa shartnomalari; 

---


kasaba uyushmasi qo'mitasi bilan kelishuvga ko'ra qabul qilinadigan ichki 
hujjatlar; 

ish beruvchi o'z vakolati doirasida yakka o'zi qabul qiladigan hujjatlar. 
Mana shu yerda kasaba uyushmasi qo'mitasi bilan kelishib keyin qabul 
qilinadigan hujjatlarni ajratib olishimiz kerak. 
Agar mehnat qonunchiligida yoki jamoa kelishuvi va jamoa shartnomalarida 
qaysidir turdagi lokal hujjatlarni qabul qilishda ana shunday talab qo'yilgan bo'lsa, 
demak, ularni kasaba uyushmasi qo'mitasi (yoki xodimlar vakillik organi) bilan 
kelishmasdan turib qabul qilib bo'lmaydi. 
Masalan, Mehnat kodeksining 144-moddasida ish beruvchi ta'til jadvalini 
kasaba uyushmasi qo'mitasi yoki xodimlar vakillik organi bilan kelishib, keyin 
tasdiqlashi ko'rsatilgan. Yoki, Kodeksning 153-moddasida mehnat haqi va mehnatga 
haq to'lash tarzidagi to'lovlar jamoa shartnomasidan tashqari ish beruvchi tomonidan 
kasaba uyushmasi qo'mitasi (yoki xodimlarning boshqa vakillik organi) bilan 
kelishib qabul qilinadigan boshqa lokal hujjatlar bilan tratibga solinishi belgilangan. 
Yo bo'lmasam, MK 174-moddasida ichki mehnat tartibi qoidalari ham kasaba 
uyushmasi bilan kelishilishi nazarda tutilgan.