Bioorganik kimyo

Laboratoriya ishi № 15

Uglevodlar uchun sifat reaksiyalari

Kerakli asbob va idishlar: probirkalar, suv hammomi (80⁰C), pipetkalar.

Reaktivlar: α-naftolning spirtdagi 15 % li eritmasi, konsentrlangan sulfat kislota, Selivanov reaktivi, glyukoza, saxaroza, kraxmalning 2% li eritmalari, fruktozaning 2% li eritmasi, asalning 5% li eritmasi, arabinoza (yoki ksiloza, riboza, dezoksiriboza)ning 1-2% li eritmasi, Orsin reaktivi, temir (III)- xloridning 10% li eritmasi, xlorid kislotaning 30% li eritmasi, floroglyutsinning 30% li xlorid kislotadagi 0,2% li eritmasi, 1:1 nisbatdagi xlorid kislota eritmasi, anilin atsetat eritmasi, anilin, difenilamin eritmasi.

1-tajriba. Uglevodlarni α-naftol yordamida aniqlash(Molish reaksiyasi)

Bu reaksiya hamma uglevodlar uchun xosdir. Uglevodlar va murakkab tarkibli birikmalarning uglevod komponentlarini bilib olish uchun ushbu reaksiya qulay va sezgirdir. Uglevodlar konsentrlangan sulfat kislota ta’sirida parchalanib, pentozalar furfurolga, geksozalar esa5- oksimetilfurfurolga aylanadi:

Hosil boʻlgan moddalar sulfat kislotali sharoitdaα-naftol bilan kondensatlanib rangli kompleks birikmalar hosil qiladi. Masalan, geksozalardan hosil boʻladigan rangli birikmaning tuzilishi quyidagicha: