Benzolning olinishi va xossalari

BENZOLNING OLINISHI VA XOSSALARI
Reaktivlar: Benzoy kislotasi, natronli ohak, konsentrlangan nitrat kislota, konsentrlangan sulfat kislota.

Kerakli asboblar: Shtativ, probirkalar, havo sovutgichlari, gaz chiqarish nayi.

Havonchada yaxshilab maydalangan va aralashtirilgan 1 og‘irlik qism benzoy kislotasi va 2 og‘irlik qism natronli ohakni probirkaga solib og‘zini gaz chiqarish nayi o‘rnatilgan tiqin bilan berkitib shtativga qiya holda o‘rnatiladi. Gaz chiqarish nayini ikkinchi uchini 1 og‘irlik qism konsentrlangan nitrat kislota va 2 og‘irlik qism konsentrlangan sulfat kislota solingan probirkaga tushiriladi. Probirkani avval asta-sekin, keyin esa reaksion aralashma qorayguncha qattiq qizdiriladi. Ajralayotgan benzol bug‘lari gaz chiqarish nayi orqali yig‘gich probirkadagi nitrolovchi aralashmadan o’tkazilganda reaksiyaga kirishib achchiq bodom hidli og‘ir moysimon sarg‘ish nitrobenzol tomchilarini hosil qiladi.

Benzol hosil bo‘lganligini aniqlashning usullaridan biri uni nitrolashdir. Bunda achchiq bodom hidli sarg‘ish moysimon, suv bilan yaxshi aralashmaydigan nitrobenzol hosil bo‘ladi.