Bioorganik kimyo

Ferment aktivligiga haroratning ta’siri

	0^o	20^0	45^0	75^0
Tekshirilayotgan eritmaning yod bilan bergan rangi
Rangli mahsulotning nomi
Xulosa

2 – tajriba. Elektrolitlarning amilaza aktivligiga ta’siri

Raqam qo’yilgan 5 ta probirkaga pipetka bilan 5 ml dan so’lak eritmasi quyiladi va so’ngra birinchi probirkaga 1 ml distillangan suv, ikkinchisiga 1 ml HCl ning 0,05 n eritmasidan, to’rtinchisiga 1 ml NaOH ning 0,1 n eritmasidan va beshinchisiga 1 ml NaCl ning 1% li eritmasidan qo’shiladi. So’ngra probirkalar harorati 40⁰Cbo’lgan suv hammomiga joylashtiriladi. 1 – 2 minutdan keyin har qaysi namunadagi suyuqlikka yod ta’sir ettirib tekshiriladi.

Probirkalarning birortasidan olingan suyuqlik namunalari rangning o’zgarishi (ko’kdan binafshaga, qizilga va nihoyat sariqqa) to’xtagani aniqlanmaguncha namuna olish takrorlanadi, sarflangan vaqt qayd qilinadi. Ish yuzasidan xulosalarda kraxmalga qo’shilgan turli elektrolitlarning gidroliz tezligiga ta’sirini qayd qilib o’tish lozim.

Olingan natijalarni quyidagi jadval ko’rinishida jamlash qulay, bunda turli namunalarning yod bilan hosil qiladigan rangi qayd qilinadi (8- jadval).

8 – jadval

Namuna tarkibi	Vaqt, minut hisobida
	0	2	4	6	8	10	12
So’lak + dist suv + kraxmal
So’lak + HCl + kraxmal
So’lak + CH3COOH + kraxmal
So’lak + NaOH + kraxmal
So’lak + NaCl + kraxmal

3 – tajriba. So’lak amilazasi faolligiga pH ning ta’siri

Ferment faolligiga ta’sir etuvchi muhim omillardan biri vodorod ionlari konsentratsiyasi hisoblanadi. Ko’pchilik fermentlar ma’lum pH intervalida yuqori faollikka ega bo’ladi. Mana shu muhitning pH qiymati fermentning pH optimumi deb ataladi. Ferment faolligining pH ga bog’liqligi birinchidan, ferment faol markazidagi substrat bilan bog’lanishda ishtirok etadigan, ionlanadigan guruhlarning, ikkinchidan, substrat molekulasining ferment bilan bog’lanishiga aloqador funksional guruhlarning, uchinchidan, ferment molekulasining o’ziga xos va katalitik faolligiga ta’sir qiluvchi boshqa ferment guruhlarining ionlanish darajasi muhitidan vodorod ionlari konsentratsiyasiga aloqadorligidan kelib chiqadi.