Biologiya kafedrasi

Siydik hidini tekshirish Normada yangi ajratilgan siydik maxsus hidga ega bo`lib, go`sht sho`rvasi (bul’on) yoki bodom hidini eslatadi. Siydik turib qolganida bakteriyalar ta`sirida mochevinani parchalanishidan hosil bo`lgan ammiak hidi tarqala boshlaydi. Patologik vaziyatlarda (siydik pufagi shilliq pardasini yallig`lanishi) siydik hali siydik pufagidaligidayoq ishqoriy bijg`ishga uchraydi. Organizmga tushadigan xilma-xil moddalar siydikka o`ziga xos hidni berishi mumkin (masalan valeriana, skipidar asosida tayyorlangan dori vositalari, sarimsoq piyoz, piyoz, xren va boshqalar). Siydik chiqarish yo`llari hujayralari parchalanishi bilan bog`liq bo`lgan jarayonlarda siydik sassiq hidli bo`ladi. Siydikni mevasimon hidi unda katta miqdorda atseton tanachalari borligini bildiradi.