Berdaq nomidagi qoraqalpoq davlat universiteti biologiya fakulteti

Gomeopatiya dori turlarini taxlil-tekshirish usullari

A-suyuqliklarda:zichlik, spirt miqdori, ekstraktiv moddalar, moylar miqdori, ta’sir etuvchi moddalar miqdori,tinkturalar rangi, kapillyar-lyuminessent taxlil o’tqaziladi.

B-trituratsiyalarda:lupa yoki mikroskop yordamida dori moddani zarrachalarining kata-kichikligi va to’ldiruvchida to’liq yoki tekis tarqalganligi, rangi, eritmalarda qayta kristallanishi.
II-Maxsus qism. Maxsus qismda gomeopatiyada qo’llaniladigan asosiy va qo’shimcha dorivor moddalar ta’rifi keltirilgan bo’lib,unda 374 ta xususiy maqola bor.Dorivor moddalar ta’rifi lotincha nomi bo’yicha alifbo tartibida berilgan.Ulardan 78-80 % dorivor o’simliklar,14 % kimyoviy moddalar va 6% atrodida hayvonlardan olingan dorilarga to’g’ri keladi.Maxsus qism oxirida kam ishlatiladigan gomeopatik dori moddalari ro’yxati alifbo tartibida berilgan.





Gomeopatik essensiyalar texnologiyasi

Ganeman o’zining davolash usuli bilan bir qatorda gomeopatik dorilarni tayyorlash usullarini ham yaratgan.Gomeopatik dori turlari yangi yig’ib olingan va quritilgan o’simliklar, hayvonot olamidan olingan va mineral moddalar yoki kimyoviy birikmalardan tayyorlanadi.Dorixonalarda essensiya, tinktura, eritma, trituratsiyalar tayyorlanib,ular aniq dorivor modda saqlaydi, ulardan keyinchalik qonun-qoidalar asosida suyultirishlar olib boriladi.

Essensiyalar - bu yangi uzib olingan dorivor o’simliklardan, ularning tarkibidagi shirani miqdoriga bog’liq bo’lgan holda Shvabe farmakopeyasi asosida 3 ta (1,2,3) bandlar bo’yicha tayyorlanadi. O’simlik tarkibidagi shira miqdori bir necha omillarga ya’ni:
-o’simlikni o’sayotgan joyi;
-yig’ib-terib olingan yilning fasli;
-yog’ingarchilik bo’lgani yoki yo’qligi va boshqalarga bog’liqligi aniqdir.

Shuning uchun, gomeopatiya amaliyotida dorivor birlik deb o’simlikdan siqib olingan shira hisoblanadi .

Gomeopatik essensiyalarni 1-bandi bo’yicha tayyorlash.

O’simlikda shira miqdori 60% yoki undan ko’p bo’lsa va tarkibida efir moylari, smolalar, kamfora birikmalari saqlamasa, essensiyalar quyidagicha tayyorlanadi: maydalangan va bo’tqaga aylantirilgan o’simlik press yordamida eziladi va shirasi olinadi.

Olingan shiraga 90% etil spirti teng miqdorda qo’shiladi va qattiq aralashtirilib, 8 kunga qoldiriladi.So’ngra essensiya filtrlanadi.Tayyor essensiya tiniq bo’lishi kerak va ta’sir etuvchi moddalar miqdori ¹/₂ ga teng.Undan spirtli tinktura tayyorlash uchun 2 qism essensiyaga 8 qism 45% li spirt qo’shib aralashtiriladi.Olingan tinktura birlamchi o’nlik shkalasi (1x) ga teng.