Berdaq atinda

Defis arqalı jazıw. Jup hám tákirar sózlerdiń barlıq túrleri defis penen jazıladı: jaqsı-jaman, dos-dushpan, azlı-kópli, sóyley-sóyley, kóre-kóre, bes-altı, t.b.
Mánisi boyınsha sıbaylas eki sózdiń juplasıwınan jasalǵan qospa atlıq, kelbetlik hám ráwishler defis arqalı jazıladı: qazan-tabaq, tálim-tárbiya, qurt-qumırısqa, t.b.
Ayqınlawısh-ayqınlanıwshı mánisinde juplasıp kelgen qospa atlıqlar defis penen jazıladı: general-mayor, xabarshı-aǵza, ana-jer, mexanik-aydawshı, t.b.
Jıynaqlaw mánisinde qollanılatuǵın xalıq atları defis penen jazıladı: qarashay-balkar, buryat-mongol, t.b.
Belgili bir aralıq yamasa jıynaqlawshı jup sóz mánisinde kelgen menshikli qospa atlıqlar defis arqalı jazıladı: Qońırat-Nókis (temir jolı), Nókis-Shımbay (tas jolı), t.b.
Janapaylardıń ba-be (ma-me, pa-pe), ǵoy, ǵana, emish túrlerinen basqaları defis penen jazıladı: sonday-aq, kelseń-á, joǵ-á, qoysań-á, t.b.
Arab cifrı menen kelgen qatarlıq sannıń ınshı-inshi qosımtasınıń ornına defis jazıladı: 3-mektep, 4-klass, 2011-jıl, 39-mákan puqaralar jıyını, t.b.
Qatarlıq sanlardı bildiriwshi arab cifrları bir neshe bolıp kelgende olardıń hár birinen keyin defis qoyıladı: 7-, 8-, 9-mektepler, 80-90-jıllar, 3-4-dúkanlar, t.b.
Al qatarlıq sandı bildiriwshi Rim cifrınan keyin defis qoyılmaydı: XX ásir, III bap


Qadaǵalaw ushın sorawlar
1. Qospa sózlerdiń jazılıwında qanday ózgeshelik bar?
2. Qosılıp, bólek jazılatǵın di kórsetiń?
3. Defis penen jazılatǵın sózlerdi anıqlań?


Ádebiyatlar

1. 
   Dáwletov А. Házirgi qaraqalpaq tili. Fonetikа. Nákis, 1999, 2012.
   
2. 
   Dawletov A. Ha’zirgi qaraqalpaq tilinin’ fonetikasi’nan praktikum. No’kis, 1999, 2008.
   
3. 
   Da’wletov M., Da’wenov E. Qaraqalpaq tilinin’ imla so’zligi. No’kis, 1997.
   
4. 
   Qaraqalpaq tili imla qaǵi’ydalari’ni’n’ ji’ynaǵi’. No’kis, 2011.