Баҳтли оила 1 Кириш

Рашк ва шубҳа
Эр-хотинга тушадиган энг асосий вазифалардан бири, оила шаънига доғ 
туширмаслик, шубҳа туғдирадиган ишончни йўқотадиган ҳаракатлардан сақланиш 
керак. Эр-хотинлар бир-бирларини кўз каби эҳтиёт қилишлари, номус ва шарафларига 
гап тегдирмаслик учун ғайрат қилишлари керак.
Рашк борасида Ҳазрати Пайғамбар (с.а.в.) шундай деганлар:
"Аллоҳ рашкчидир. Мўъмин ҳам рашкчидир. Аллоҳни рашкчилиги мўъминнинг 
гуноҳ ишларни қилишига қаршидир".
Арабларда рашк "ғайрат" калимаси билан ифода қилинади. Талабчанлик, ҳомийлик 
маъноларида келган "ғайрат" гўзал нарсаларни асраш, ёмонликлардан сақланиш 
демакдир. 
Инсонларнинг ҳимоя қилишлари керак бўлган бир қанча моддий ва маънавий 
қийматлар бор. Иймон, дунёқараш, шахсият, ор ва номус каби қийматларни қўриқлаш 
инсонийликнинг асл моҳиятидир.
118

---

Оила аъзоларининг номус ва шаънини ҳимоя қилган киши яхши бир мусулмон 
эканлигига шубҳа йўқ. Зеро, уларнинг шаъни айни пайтда ўз шаъни ҳамдир.
Аёл ва қиз болаларнинг номусини ҳимоя қилиш борасида кўпроқ талабчан, яъни 
рашкчи бўлиш керак. Бу борадаги лоқайдлик бора-бора оиланинг ҳурматини вайрон 
қилиб, оилани насл-насабсиз бўлишига олиб келади.
Баъзи истиснолардан ташқари, ҳатто ҳайвонларда ҳам бор бўлган турмуш ўртоғини 
рашк туйғусини айримлар гўё касаллик сифатида талқин этишмоқда.
Рашк севгининг ифодаси, худбинлик эмас. Инсонда бошқаларни шерик қила 
олмайдиган қийматли нарсалари бор. Номус ва шаън каби... Мол-дунёмизни 
бошқаларига бера оламиз, аммо шаънимизни, бизга омонат қилинган аёлларимизнинг, 
қизларимизнинг номусини бошқаларига ҳадя қила олмаймиз. Ҳазрати Пайғамбар 
(с.а.в.):
"Рашк иймон, акси эса нифоқ аломатидир"
деганлар. Киши севган нарсасини 
камчиликсиз бўлишини истайди. Аллоҳ ҳам бандаларини жуда яхши кўргани учун 
уларнинг гуноҳкор бўлишини истамайди, шайтонга бўйин эгмай, фақатгина ўзига итоат 
этишларини хоҳлайди. Аллоҳнинг рашкини шундай тушунилади.
Рашкни ўринсиз шубҳа ва гумон ҳолига айланиши эса умуман яхши эмас. Эр-хотин 
бир-бирларига ишончини йўқотса, шубҳа ва гумон билан ҳаракат қилса, оила ҳаётини 
давом эттира олмайди. Жаноби Ҳақ инсонларнинг сирли ҳолларини текширишдан 
қайтарган.
"Э
й, мўъминлар, кўп гумон(лар)дан четланинглар! Чунки айрим гумон(лар) гуноҳдир. 
(ўзгаларнинг айблари ортидан) жосуслик қилиб юрманглар ва айримларингиз
айримларни ғийбат қилмасин!
" (Ҳужурот сураси, 12-оят).
Ор-номус борасида нозик ҳаракат қилиш, ғийбат ва гумон билан инсонларни ифлос 
қилиб кўрсатмаслик керак.