Баҳтли оила 1 Кириш

Зинонинг даҳшатли зарарлари
Ҳазрати Пайғамбар (с.а.в.) зинонинг дунё ва охиратдаги зарарлари борасида шундай 
деганлар:
"Эй инсонлар, зинодан сақланинглар! Чунки зинонинг дунё ва охиратда олти зарари 
бор. Дунёдаги зарарлари:
1. Инсоннинг обрўсини туширади.
2. Фақирликка сабаб бўлади.
3. Умрни қисқартиради.
Охиратдаги зарарларига келсак:
1. Аллоҳнинг ғазабига сабаб бўлади.
2. Ҳисоб бериши қийинлашади.
3. Жаҳаннам азобига дучор бўлади".
Бошқаларининг ор-номусига кўз олайтирувчи инсонлар севилмайди. Бундайлар ҳам 
ўзларининг, ҳам оилаларининг обрўсини йўқ қилади.
Зино, шаксиз, фақирликка йўл очади. Қийинчилик билан топилган мол-дунёни 
фаҳшга сарфланиб, номусларини сотиб кун кўраётган фоҳишаларнинг кўпайишига 
сабаб бўлади.
Асримизнинг вабоси деб тан олинган ОИТС (СПИД)нинг бош сабаби ношаръий 
алоқалардир. Сифлис, сўзак каби қанча биз билмаган касалликларга сабаб бўлган зино 
маънавиятимиздан ташқари, жисмоний тузилишимизни ҳам барбод қилмоқда. 
Аллоҳнинг ҳар бир таъқиқида кўп ҳикматлар бор. Машҳур психолог доктор Мазҳар 
Усмоннинг таъкидлашича, фоҳишаларнинг кўпчилиги руҳий касаликка чалиб, фаҳш 
ҳаёти жинниликни келтириб чиқараркан. Кечқурун уйқусизлик, истамасдан ҳаяжонли 
117

---

бир шаҳват ҳаётига кириш, қўрқув ва қизғанчиқлик, мастлик, сифлис ва ҳоказо 
ҳолатлар жисмоний ва руҳий тузилишини вайрон қилади.
Фоҳишаларнинг кўпчилиги ахмоқ бўлади. Бир эркак ёки бир аёл даллол ахмоқлиги 
учун уни осонликча алдайди, фаҳшга судрайди, тушган чоҳининг жирканч эканлигини 
ё тушунади, ё тушунмайди. Фаҳш ботқоқлиги ичида чираниб, чираниб, чириб кетади.
Маънавияти бутун, ҳалол сут эмган бир аёл ҳаётнинг ҳеч бир қийинчилиги туфайли 
фаҳш қаршисида тиз чўкмайди. Бебаҳо иффату ҳаёсини ор-номусини кайфу-сафога 
қурбон қилмайди. Лойқа сувга тушмайди.
Зинонинг охиратдаги зарарларига келсак, булар янада даҳшатлидир. Мўъмин учун 
энг катта офат Аллоҳнинг розилигини йўқотишдир. Жаноби Ҳақ зино қилганлардан 
рози эмас. Дунёдаги озгина завқ учун абадий ҳаётни фалокат ҳолига келтириш ақлли 
инсоннинг иши эмас. Асал нақадар лаззатли бўлса ҳам, агар ичида заҳар борлигини 
билса, унга ҳеч ким яқинлашмайди. Лекин, афсуски, инсон боласи ҳаром ишларнинг 
жозибаси қаршисида ожиз қолиб, нафс ва шайтоннинг тузоғига илинмоқда.