Baratov maxsudali naziralievich tijorat banklari investitsiya portfelini boshqarishni takomillashtirish

5-rasm. Tijorat banklarida menejmentning funksiyasi²⁴
Tijorat banklari investitsiya portfelini boshqarishni tartibga solish usulida quyidagi holatlar nazorat qilinadi va tahlil etiladi:

• 
  reja bilan haqiqatda bajarilgan ishlarning farqi tahlil qilinadi;
  
• 
  aniqlangan farqni bartaraf etish (tugatish) bo’yicha ishlar rejalashtiriladi;
  
• 
  aniqlangan farqni bartaraf etish (tugatish) bo’yicha faoliyat tashkil qilinadi;
  
• 
  rejadagi ishlar bilan haqiqatda bajarilgan ishlar nazorat qilinadi.
  

Tijorat banklari investitsiya portfelini boshqarishda har bir holat va har bir jarayon (ishlarning bajarilishi muddati, risk darajasi, moliyaviy resurslar sarfi, kabilar bilan ta’minlanganligi, loyihalashtirish jarayonlari, qurilish-montaj ishlarining bajarilishi, xom ashyo ta’minoti, natijalar sifati va boshq.) uzluksiz ravishda nazorat qilib boriladi va tahlil etiladi.

Tijorat banklari investitsiya portfelini boshqarishda rejalashtirish menejmentning asosiy funksiyasi hisoblanadi va buni ko’p yillik amaliy tajribalar ham tasdiqlaydi. O’z navbatida, rejalashtirish zarur ishlarning bajarilishini, texnologiyalar, materiallar, uskunalar sotib olishni, qurilish-montaj ishlarining bajarilishini, ob’ektni ekspluatatsiyaga topshirish va boshqalarni nazarda tutadi.

Tijorat banklari investitsiya portfelini boshqarishda rejalashtirishning asosiy yo’nalishlari investitsiya portfeli samaradorligi baholash hisoblanadi. Bunda baholashning 4 ta usulidan foydalaniladi.

Tijorat banklari investitsiya portfelini boshqarishning dinamik yondashuvi loyihani amalga oshirish bilan bog’liq bo’lgan tadbirlarning vaqt nuqtai nazaridan ko’rib chiqishga asoslanadi.

Xulosa qilib aytganda, tijorat banklari investitsiya portfelini boshqarishda boshqaruv funksiyalari muhim ahamiyat kasb etadi va ushbu funksiyalarning amal qilishi tijorat banklarining investitsiya portfelini samarali boshqarish imkonini beradi.