Банкларда молиявий ҳисоб

5.Банкларда бухгалтерия аппаратини ташкил этиш (йўриқнома, масъул ижрочи бухгалтер, бош бухгалтер, Фронт-офис, мижозлар, Бэк-офис бошлиғи)
Bank buxgalteriya apparati deganda, pul hisob-kitob hujjatlarini rasmiylashtirish, bank operatsiyalarini bajarish va ularni ichki nazoratdan oʻtkazish hamda hisob registrlarida qayd etish va buxgalteriya hisobotlarini tayyorlash bilan shugʻullanuvchi xodimlar guruhi tushuniladi. Buxgalteriya apparati bir butun yaxlit boʻlgan banklarda buxgalteriya apparati ichida, Front-ofis va Bek-ofisga boʻlingan banklarda esa Bek-ofisi tarkibida alohida boʻlim sifatida tashkil qilinadi. Tarkibiy tuzilmasi Front-ofis va Bek-ofis sifatida tashkil etilgan yirik banklarning buxgalteriya apparati shu tarkibiy tuzilmalarga mos ravishda tashkil etiladi. Front-ofis va Bek-ofis xodimlarining aniq vazifalari mos ravishda Front-ofis va Bek-ofis boshliqlari tomonidan yuqoridagi holatlar boʻyicha belgilab berilib, bank rahbari tomonidan tasdiqlanadi.
6.Минибанкларда бухгалтерия ишларини ташкил қилиш (Банк биносидан ташқарида, масъул ижрочи бухгалтер, банк иш куни, ҳужжатлар)
Bank xizmatlari ofislarida buxgalteriya hisobi mavjud ish hajmidan kelib chiqqan holda mazkur Yo‘riqnoma talablari doirasida tashkil etilishi lozim.
Bank xizmatlari ofislarida dastlabki nazoratni o‘tkazish uchun mas’ul ijrochi buxgalter shtati bilan ta’minlangan bo‘lishi lozim. Joriy nazorat bank xizmatlari ofisi buxgalteriyasi boshlig‘i tomonidan (bundan buyon matnda yetakchi buxgalter deb yuritiladi) amalga oshiriladi.
Bank xizmatlari ofislaridan o‘tkaziladigan to‘lovlar joriy nazoratdan o‘tkazilganidan so‘ng amalga oshiriladi. Bunda to‘lovlar joriy nazoratdan o‘tkazilganligi bank filialining Bek-ofisi boshlig‘i yoki Bosh buxgalteri tomonidan tasdiqlanishi talab etilmaydi.
Bank xizmatlari ofislari ularda amalga oshirilgan operatsiya va o‘tkazilgan to‘lovlarning nazoratini ta’minlash maqsadida, operatsiyalarga va (yoki) to‘lovlarga asos bo‘lgan hujjatlar, shu jumladan pul-hisob-kitob hujjatlarining elektron nusxasini bankka (filialga) taqdim etishi mumkin.
Bank xizmatlari ofislarida bank ish kuni davomida amalga oshirilgan operatsiyalarga asos bo‘lgan pul hisob-kitob hujjatlari belgilangan tartibda yakuniy nazoratdan o‘tkazilishi lozim.
Bank xizmatlari ofislarida kunlik buxgalteriya hujjatlari yig‘majildi mazkur Yo‘riqnomaning 7-paragrafida belgilangan tartibda shakllantirilishi va saqlanishi yoki shakllantirilgan kunlik buxgalteriya hujjatlari yig‘majildi saqlash uchun davriy ravishda, lekin bir oyda kamida bir marotaba bank xizmatlari ofisini tashkil etgan bankka (filialga) yetkazilishi lozim. Mazkur holat bankning ichki qoidalarida (hujjatlarida) aniq ko‘rsatilishi lozim. Ushbu qoidalarga qat’iy rioya qilish imkoniyati mavjud bo‘lgan banklar (filial) bank xizmatlari ofislari ochishi mumkin.
Bank rahbari va bosh buxgalteri o‘zlariga qarashli bo‘lgan minibanklarda buxgalteriya ishlarini to‘g‘ri tashkil qilish va bank operatsiyalarini aniq va o‘z vaqtida bajarilishi ustidan doimiy nazorat o‘rnatishlari lozim.