Banklarda buxgalteriya fanidan

2–jadval
Tijorat banki balansining tarkibi

Aktiv	Paccivlar
Kassadagi mavjud pul	Pul emissiyasi
Boshqa banklardagi "nostro"	Jamg‘arma omonatlari
Davlat qimmatbaho qog‘ozlari	Muddatli depozitlar
Kreditlar	Banklararo kreditlar
Carmoyalar	Boshqa passivlar
Asosiy pul mablag‘lari	Hissadorlik kapital qoldig‘i
Boshqa aktivlar	Zaxiralar
	Taqsimlanmagan foyda
Jami:	Jami:

Tijorat banklar balansi asosan 3 bo‘limdan iborat bo‘lib, ular quyidagicha bo‘ladi: aktiv, majburiyat va kapitaldan iborat.
Har bir davlatda banklar asosan qonunchilik asosida ish yuritishadi. Banklarni nazorat qilish Markaziy banklar tomonidan ishlab chiqilgan me’yoriy hujjatlar va talablar asosida amalga oshiriladi. Xuddi shuningdek bank buxgalteriya balansi har bir davlat qonunchiligiga asosan Markaziy banklari tomonidan ishlab chiqiladi va taqdim qilingan schyotlar rejasi asosida tuziladi. Amaliyotda banklar kunlik, oylik, choraklik va yillik balans tuziladi.
Moliyaviy hisobot ma’lumotlaridan foydalanib, boshqaruv qarorlarni qabul qiluvchi shaxslarga yordam berish maqsadida, balans moddalari umumiy tavsiflar bo‘yicha guruhlanadi.
Aktivlar – likvidlik darajasining pasayib borishi tartibida, majburiyatlar to‘lov muddatining qisqarib borish tartibida va xususiy kapital jamlanishning kamayib borishi tartibida guruhlanadi.
Balansda tan olingan barcha qiymatliklar joriy deb tan olinmaydi. Pul mablag‘larining qiymati joriy hisoblanadi, biroq bino va uskunalar kabi moddalar qiymati uzoq muddatli qiymat hisoblanadi.
Balansdagi moddalar bo‘yicha ko‘rsatkichlar hisobot yili boshiga va hisobot davri oxiriga ko‘rsatiladi. Bunday tartibda tuzilishiga sabab, aktivlar va passivlarning holatini o‘rganish hamda kelgusida ularning daromadliligi oshirish bo‘yicha muhim qarorlar qabul qilishdir.