Bakteriyalarda moddalar almashinuvi

Anaerob bakteriyalar uchun anaerob sharoitni yaratish usullari
Anaerob bakteriyalarni ajratib olish mohiyati, havoda yoki oziq muhitlardagi kislorodning porsial miqdorini anaeroblar uchun kamaytirishga, bo'lmasligiga qaratilgan bolib, buni bir necha usullarda (fizik, kimyoviy, biologik) amalga oshirish mumkin.
Fizik usullar. 1. Muhitni qaynatish - muhitdagi erigan kislorodni eng oddiy usulda chiqarib yuborish. Buning uchun probirkadagi muhitga patologik materialni ekmasdan oldin uni suv hammomida 10-15 daqiqa qaynatiladi, kislorodni chiqarib yuborish uchun qaynatilgan muhitni sovuq suv oqimida tez sovitiladi, yana kislorod bilan to'yinmasligi uchun. Muhitga patologik material ekiladi va muhit ustiga vazelin moyi quyib qo'yiladi.
2. Anaerob mikroorganizmlarni qattiq oziq muhitning chuqur qismida oʻstirish (Veynbergni seriyali suyultirish usuli). Mikrob kulturasi (tekshirilayotgan material) Paster pipetkasi yordamida olinib 10 ml fiziologik suyuqlikli probirkalarda suyultiriladi va suyultirish (qaynatilib 5O C sovitilgan probirkadagi qandli agarga yoki Vilson-Bler muhitiga) 4,5 va 6 probirkalarda davom ettiriladi. Agar qotib qolgandan so'ng vazelin moyi yoki parafin probirkadagi agar ustiga quyilib, termostatga qo'yiladi. Vilson-Bler muhitini tayyorlash - 100 ml 196 glyukoza saqlovchi eritilgan GPA ga 10 ml sulfit natriy eritmasi va 1 ml temir xlorid eritmasi qoʻshiladi. Patologik materialni zich oziq muhitda seriyali suyultirish natijasida oxirgi probirkalardagi aga ning chuqur qismida mikrob koloniyalari hosil bo'ladi
3.Muhitlarga kislorodni reduksiyaga uchratuvchi moddalar qoʻshish bilan ajratib olish. Reduksiyaga uchratuvchi modda sifatida amaliyotda ko'pincha glyukoza, askorbin kislotasi, sistein qo`1laniladi. Bundan tashqari hayvon parenximatoz organlari, to'qimalari (jigar, taloq) ham kislorodni biriktirib oladi. Ko'pincha hayvon parenximatoz organlarini qo'llab tayyorlangan muhitlar qoʻllaniladi. Bularga kiradi: Kitt-Tarossi muhiti. Muhitning tarkibi: goʻshtli bulyon, 0,5li glyukoza va yangi jigar bo'lakchasi solib, muhit yuzasiga vazelin moyi quyib qo'yiladi. Muhitni tayyorlash davrida GPB qaynatiladi, ya'ni kislorod chiqarilib yuboriladi, muhitda qolgan kislorodni 0,5li glyukoza va jigar bo'lakchasi reduksiyaga uchratadi va muhitda anaerobioz holati vujudga keladi. Muhit yuzasiga quyilgan vazelin moyi kislorod bilan muhitni yana boyishiga yol qo'ymaydi.