Bakteriyalarda moddalar almashinuvi

Bakteriyalarni o‘stirishning asosiy prinsiplari. Bakteriyalar laboratoriya sharoitida sun’iy oziq muhitlarda o'stiriladi. Bakteriyalar o'sishi va ko'payishi uchun temperatura muhim ahamiyatga ega. Barcha mikroorganizmlar temperaturaga ko'ra uch guruhga bo'linadi. Psixrofil - sovuq sevuvchilar (0-20°C), mezofil (o'rtacha haroratda yashovchilar (20-48°C), termofil (issiq sevuvchilar45-70°C). Bakteriyalar 0 dan 90°C bo'lgan haroratda ko'payishi mumkin. Ko'pgina patogen mikroblar 37°C li oziq muhitlarda bir-ikki kun ichida ko'payadi. Ayrim bakteriyalar (masalan, sil mikobakteriyasi) esa 3-4 haftada o'sadi. Bakteriyalarning hayot faoliyatida oziq muhitning pH muhim ahamiyatga ega. Mikroorganizmlaming har bir turi evolutsiya jarayonida pH ma’lum chegarasida o'sishga moslashgan. pH fermentlaming faolligiga ta’sir etadi. Saprofitlar pH 2 dan 8,5 gacha, patogen bakteriyalarning turlari pH 6 -8 bo'lgan sharoitda yaxshi o'sadi.