Бағдод тумани халқ таълими бўлими педагогик-психологик ташхис фаолиятини ташкил этиш шўъбаси методист-психологининг 2020-2021 ўқув йили ҳисоботи

2020 йил 3-декабрь – “Халқаро ногиронлар куни” муносабати билан Бағдод тумани халқ таълими бўлими ҳамда таълим муассасаларида байрам тадбирлари кўтаринки руҳда ташкил этилди. 2020-йил 2-декабрь куни туман халқ таълими бўлими тасарруфидаги умумтаълим мактабларидаги 53 нафар уйда якка тартибда таълим олаётган ўқувчилардан 28 нафарига ёшларни кайфиятини кўтариш, уларнинг ёш қалбларига инсонийлик, ватанпарварлик туйғуларини сингдириш, уларни ватанига, эртанги кунига бўлган ишончини янада мустаҳкамлаш мақсадида туман ҳокимлиги ҳомийлигида Қўқон шаҳар медиапарк кўнгилочар масканига олиб борилди.

Дастлаб туман халқ таълими бўлими фаоллар залида Бағдод тумани ҳокими М.А.Турсунов, туман халқ таълими бўлими мудири Т.Тожиевалар якка тартибда таълим олаётган ўқувчи-ёшларни оз бўлсада кўнгилини кўтариш, уларнинг оналарини қўллаб-қувватлаш, ўқувчиларнинг хурсандчилигини янада ошириш мақсадида ўзларининг табрик сўзлари билан қутладилар, байрамга ташриф буюрган ўқувчиларга пар кўрпалар совға қилинди.

Қўқон шаҳар медиапарк кўнгилочар масканида ўқувчиларга байрам дастурхони безатилди. Дастурхондаги ширинликлар, дастурхонга тортилган иссиқ овқатлар болажонларни қувонтириб юборди. Сўнгра ўқувчилар медиапаркдаги турли кўнгилочар ўйинларга тушишди, мультфильм тамоша қилишди. Байрамга ташриф буюрган ўқувчиларнинг ўзлари ёдлаб келган ва ўзлари ёзган шеърлари, қўшиқлари билан хурсандчиликларини янада бойитиб юборишди. Байрамга ташриф буюрган ўқувчиларгина эмас, улар билан келган ота-оналар қалбида ҳам катта таасуротлар қолдирди. Байрам жуда кўтаринки руҳда давом этди.

Умумтаълим мактабларида якка тартибда таълим олаётган байрам тадбирига кела олмаган 28 нафар ўқувчиларнинг хонадонларига 3-декабрь куни туман халқ таълими бўлими вакиллари мактаб маъмурияти ҳамкорлигида ташриф буюришди. Ташриф буюрган вакиллар ҳомийлар томонидан ва мактаб маъмурияти томонидан берилган совғаларни топширишди. Уларни байрам билан қутлашди.
Жумладан, 2-декабрь кунги байрам тадбирида иштирок эта олмаган 28 нафар ўқувчиларга пар кўрпалар, 53-нафар якка тартиб таълим олаётган ўқувчиларга Таълим фан ва маданият ходимлари касаба уюшмаси Бағдод тумани кенгаши томонидан озиқ-овқат маҳсулотлари, Фарғона таълим таъминоти томонидан 48 нафар якка тартибда таълим олаётган ўқувчиларга ўқув қуроллари, сумкалар, мактаб томонидан ширинликлар, ўйинчоқлар совға қилинди.