Бағдод тумани халқ таълими бўлими педагогик-психологик ташхис фаолиятини ташкил этиш шўъбаси методист-психологининг 2020-2021 ўқув йили ҳисоботи

2021 йил апрель ойи давомида “Вояга етмаган ёшлар ўртасида жиноятчилик ва ҳуқуқбузарликни олдини олиш, ўқувчиларнинг қаровсизлигини назорат қилиш, турғун давомадни йўлга қўйиш” мавзусида ҳуқуқни муҳофаза қилувчи органлар билан ҳамкорликда таълим муассасалари маънавий-маърифий ишлар бўйича директор ўринбосарлари, амалиётчи-психологлари, ёшлар иттифоқи етакчилари, синф раҳбарлари томонидан давра суҳбатлари ташкил этилди. Ўтказилган давра суҳбатларида ҳуқуқни муҳофаза қилувчи органлари ҳамда соғлиқни сақлаш ходимлари вакиллари ўзларининг юқоридаги мавзуга оид маъруза ва маслаҳатлари билан иштирок этишди.
2021 йил 11-февраль куни тумандаги 49-умумий ўрта таълим мактабида туман амалиётчи психологлари ва аниқ фан ўқитувчилари учун туман амалий семинари бўлиб ўтди. Семинарда математика ва информатика фанидан “Очиқ дарс”лар кузатилди ҳамда методик ва психологик таҳлил қилинди. Шунингдек, мактаб амалиётчи-психологи М.Авазбеккованинг “Мен танлаган касб – энг яхши касб” мавзусидаги тренинг машғулоти кузатилди.

Кўзланган мақсад: Ўқувчиларни касб-ҳунарга йўналтириш, касбий билимларни ва мотивациясини, ижтимоий ҳаётдаги касбий оламга мослашув ва ҳамкорлик кўникмаларини ривожлантириш, интеллектуал ва ижодий имкониятларини ривожлантириш, маънавий, руҳий, ақлий салоҳиятини ошириш.

Семинарда туман халқ таълими бўлими мудир ўринбосари С.Мирзааҳмедов, аниқ фанлар методисти Ф.Эргашева, психологик-педагогик ташхис фаолиятини ташкил этиш шўъбаси методист-психологи У.Мамарасулова ҳамда таълим муассасларининг 50 нафардан ортиқ амалиётчи-психологлари, матемалика, информатика фан ўқитувчилари иштирок этишди.
2021 йил 16-февраль куни тумандаги 5-умумий ўрта таълим мактабида туман амалиётчи психологлари ва аниқ фан ўқитувчиларининг “Ёшлар бебеҳо хазинамиз-куч-қудратимиз ва буюк келажагимиз” мавзусида туман амалий семинари бўлиб ўтди.
Семинарда ўқувчилар томонидан тайёрланган кўргазмалар ташкил этилди, иқтидорли ўқувчиларнинг маҳоратлари намойиш этилди, ошпаз ўқувчиларнинг “Палов дамлаш” мусобақаси ташкил этилди, “Пазанда қизлар” маҳоратларини намойиш этишди. Турли касб-ҳунарлар бўйича ўқувчилар ўзлари эгаллаган билим ва малакаларини намойиш этишди. Ўтказилган семинарда математика ва информатика фанидан “Очиқ дарс”лар, амалий машғулотлар кузатилди ҳамда методик ва психологик таҳлил қилинди. Шунингдек, мактаб амалиётчи-психологлари Ҳ.Солиев ва У.Тешабоеваларнинг “Касбим – фахрим, ғурурим” мавзусидаги тренинг машғулоти кузатилди.
Тадбир сўнгида “Аниқ фанларга ҳамоҳанг беш ташаббус” мавзусидаги спорт тадбири ўтказилди.

2 3-февраль куни тумандаги 46-умумий ўрта таълим мактабида амалиётчи психологлари ва аник фан ўқитувчиларининг "Ёшлар - бебаҳо хазинамиз, куч- қудратимиз ва буюк келажагимиз тимсоли" мавзусида туман семинари бўлиб ўтди. Унда аниқ фан ўқитувчиларининг дарслари кузатилиб ҳам методик, ҳам психологик таҳлил қилинди. Мактаб психологлари томонидан "Ҳаёт гўзал - мен ундан завқланаман" тренинг машғулоти кузатилди. Мактаб фаесига ўқувчиларни касб-ҳунарга йўналтириш, бандлигини таъминлаш мақсадида ташкил этилган ўқувчиларнинг қизиққан ва шогирдликка тушган ҳунарлари ишларидан намуналар ташкил этилгани, мактаб ер майдонларига боғлар, иссиқхона, чорвачилик ишлари ташкил этилгани қатнашчиларда бошқача қизиқиш уйғотди. Ментал арифметика тўгараги аъзоларининг "Қувноқ математика" машғулоти ўқувчилардаги қобилият ва лаёқатларини намоён этди. Мактаб амалиётчи-психологлари Г.Юлчиева ва С.Деҳқоноваларнинг “Ҳаёт гўзал ва мен ҳаётдан завқланаман” мавзусидаги тренинг машғулоти кузатилди. Ўқувчилардаги руҳий бузилишларни олдини олиш, улар билан ҳаёт гўзалликлари, унга қизиқиш, касб-ҳунарларга йўналтириш мақсадини кўзлаган тренинг машғулоти тахлил қилинди ва мактаб миқиёсида оммалаштиришга тавсия этилди.

Семинар истеъдедли ўқувчилар томонидан тайёрланган тадбир билан кўтаринки кайфиятда якунланди.