Бадиий гимнастика бґйича кичик ёшдаги болалар билан машІулот олиб бориш методикаси

Учинчи босқичда қатнашувчи жамоалар (ташкилотлар) вакиллари билан кенгаш ўтказилади, буюмларнинг мустаҳкамлиги текширилади, қатнашчилар буюмлар билан синов машқини ҳамда турлар бўйича ҳакамлар бригадасини синовдан ўтказадилар, мусобақага жалб қилинган ҳамма масъул шахсларнинг тайёрлиги текширилиади.
Шу билан бирга парад сафланиш жойини қатнашувчиларнинг мусобақага чиқишини, уларнинг таркиби ва кийими, очилиш ва ёпилиш маросимини мукофотлаш тартибини ва бошқаларни аниқ белгилаб олмоқ зарур.
Мусобақа қатнашчиларининг паради уларни таништириш билан очилади. Бу тантанали қисмни байрамона, аниқ ўтказиш лозим. Одатда у биринчи кун мусобақаларининг биринчи ярмидан кейин ўтказилади.
Чизиқ ҳакамлари, хронометраж ҳакамларига ҳам кўрсатмалар берилади. Мусобақаларни моддий-техник жиҳатдан таъминлаш ишлари комендант раҳбарлигида олиб борилади, у бош ҳакам ёки унинг ўринбосарига бўйсунади.
Шифокор назорати ва зарур бўлганда биринчи тиббий ёрдамни мусобақа шифокори бош ҳакамнинг (медицина ишлари бўйича ёрдамчиси) рухсати билан амалга оширади.
Ҳакам ахборотчи жамоа курашининг бориши ҳақида мунтазам маълумот бериб боради, шунингдек ҳар бир турдан кейин мусобақада ким олдиндалигини айтади.
Қоидага биноан мусобақалар соат 10.00 дан олдин бошланмаслиги ва соат 23.00 дан кеч тугалланмаслиги зарур. Бир сменанинг давом этиши болалар ва ўсмирлар жамоалари учун 2 соат ва ўсмирлар учун 3 соатдан ошмаслиги керак.
Оддий дастур бўйича бадиий гимнастикачиларнинг чиқишидан кейин мураккаброқ дастур (ёки катта разрядлар) бўйича бадиий гимнастикачилар чиқиши бошланади.
Мусобақалар тантанали равишда барча маросимларга (ғолибларни шоҳсупасига чақириш, ғолиб жамоанинг тантанали марши, ҳурмат доираси бўйлаб юриш, янги чемпионларнинг мусобақа байроғини тушириш ва бошқаларга) риоя қилинган ҳолда якунланади.
Мусобақага якун ясаш. Тез якун ясаш бош котибнинг изчил аниқ ишлашини талаб қилади. Мусобақа давомида бош ҳакам – котиб ҳар бир қайдномада ўртача ва якуний балларнинг тўғри чиқарилганлигини текширади ва шундан кейин ўтган кураш турининг натижасини ҳисобга олган ҳолда баллар йиғиндисини аниқлайди.
У ёки бу дастур бўйича мусобақанинг тугалланишидан кейин қатнашчиларнинг кўрсатган натижалари текширилади ва жамоа натижалари ҳисоблаб чиқилади.