Бадиий гимнастика бґйича кичик ёшдаги болалар билан машІулот олиб бориш методикаси

Мусобақага тайёргарлик кўриш ва уни ўтказиш

Бўлажак мусобақага тайёргарлик кўриш ишлари мусобақанинг кўламидан қатъий назар, унинг бошланишидан анча илгари олиб борилиши керак. Бунда барча тадбирларни уч босқичга бўлиш мақсадга мувофиқдир.
Биринчи босқичда мусобақанинг муддати, миқёси, ўтказилиш жойи белгиланади ва унинг Низоми тасдиқланади, шунингдек, бадиий қўмитада бош ҳакамлар коллегияси тайинланади (танланади) ва тасдиқланади, мусобақани тайёрлаш ва ўтказиш режаси ишлаб чиқилади. Режада қуйидагилар назарда тутилади:
а) таъминот масалалари (жой ва жиҳозларни тайёрлаш, мусобақа қатнашчилари ва томошабинларни қабул қилиш, хизмат кўрсатувчи шахсларни белгилаш ва ҳоказо);
б) бош ҳакам томонидан тузиладиган мусобақани ўтказиш режаси: мусобақаларнинг кунлар бўйича календари (қатнашувчи жамоа таркиби тўғрисидаги дастлабки маълумотларга асосан) ва мусобақалар жадвали.
Иккинчи босқичда мусобақа жадвали аниқланади: ҳакамлар коллегияси танланади ва тасдиқланади, ҳужжатлар тайёрланади ва ҳоказо.
Болалар учун бадиий гимнастика мусобақасининг тахминий жадвали

Туман жамоалари	Вақти
	15.00-15.25	15.25-15.50	15.50-16.15	16.15-16.40	Изоҳ лар
Олмазор	Лента	Ҳалқа	Тўп	Арғамчи
Чилонзор	Ҳалқа	Тўп	Арғамчи	Лента
М.Улуғбек	Тўп	Арғамчи	Лента	Ҳалқа
Юнусобод	Арғамчи	Лента	Ҳалқа	Тўп

Изоҳ: Жамоалар таркиби 8-10 кишидан кам бўлмаслиги лозим.

Мусобақа жадвали қатнашувчи жамоаларга аввалдан бериб қўйилса, машғулот ишларини қулай ва муваффақиятли олиб бориш мумкин.