Бадиий гимнастика бґйича кичик ёшдаги болалар билан машІулот олиб бориш методикаси

Машқлар узвийлиги
1) Юз текислиги бўйлаб катта горизонтал саккизлик. Дастлабки ҳолат: ўнг қўл тасма билан олдинда, тирсак енгил букилган. 1-2 пастдан ёй шаклини ҳосил қилиб қўл чап тарафда, ёйсимон ҳаракатни давом эттириб чапга-ўнгга ҳаракат қилиш ва яна бошланғич тарзга қайтиш; 3-4 ҳаракатни пастга-ўнгга бажариш.
2) Юз текислиги бўйлаб ўрта горизонтал саккизлик. Дастлабки ҳолат: шу каби 1-2 пастдан ёйсимон шаклда саккизликнинг чап тарафида айлана ҳосил қилиш; 3-4 саккизликнинг ўнг айланасини ҳосил қилиш.
3) 2-машқни вальс қадамлари билан ён тарафда бажариш.
4) Юз текислиги бўйлаб кичик горизонтал саккизлик. Дастлабки ҳолат: тасмали қўл билак олдинда. Панжа ва кафт ичкарига ва ташқарига айланган ҳолда тўртта кичик саккизликни бажариш.
5) 4-машқни ортга қадам ва югуриш билан бажариш.
6) Пол бўйлаб горизонтал саккизлик. Дастлабки ҳолат: ўнг қўл тасма билан юқорига-пастга, таёқчаси пастга. Пол бўйлаб кичик ва ўрта саккизликни бажариш.
7) Горизонтал саккизлик ён текислик бўйлаб. Дастлабки ҳолат: ўнг қўл тасма билан чапга. 1-2 ўнг кафт айлантириш, иккинчисини қўлни айлантирган ҳолда тасма билан пастга тушириш; 3-4 иккинчисини қўлни айлантирган ҳолда тасма билан пастга тушириш.
8)7-машқни олдинга ва ортга вальс қадамлари билан бажариш.
9) Юз текислиги бўйлаб ўрта саккизлик. Вертикал саккизлик шаклини бўр билан деворга тушириш ва болаларга тасма билан бошланғич қисмини бажариш, кейин ҳаракатларни тўлиқ бажариш.
Болалар предмет билан у ёки бу машқни бажариши учун мураббий 8 ёки 16 ҳисобли мураккаб бўлмаган комбинацияларни тузиб бериши керак. Уларнинг бажарилиши ҳаракатларни мусиқага уйғун ва ифодали тарзда катта аниқликда бажариш имконини беради. Бундан ташқари, бу комбинациялар болаларнинг материални ўзлаштириш кўрсаткичларини белгилаб беради.
Предмет билан машқ бажариш ўз ичига турли ўйинлар ва эстафеталарни олиши мумкин. Бироқ шундай элементлардан фойдаланиш керакки, улар машқни тезкор бажарилиш техникасига путур етказмасин.