Бадиий гимнастика бґйича кичик ёшдаги болалар билан машІулот олиб бориш методикаси

Лентада бажариладиган машқлар

Лентада машқ қилиш фойдали, ажойиб ва турли кўринишлидир. Улар болаларда ритмни ҳис қилиш, аниқ ҳаракат координациясини олиш, чаққонлик ва бошқа жисмоний сифатларни шакллантиради. Лента ёрдамида ҳаракатланишнинг асосий тавсифлари шуки, турли суръатларни амалга оширишда булар ўзига хос қувват беради. Буни бажариш учун кучни тўғри тақсимлаш, қўлни тўғри тутиш лозим. Лентани айлантираётганда бутун танадаги ҳаракатни назорат қилиш, қўл ва оёқларнинг ажойиб ритмини юзага чиқариш лозим бўлади.
Кичик ёшдаги қизлар учун атласдан қилинган лента, узунлиги 3 метргача, қалинлиги 2,5-4 см. бўлади. Тутқичи эбонитли ёки ёғочдан ясалган бўлиб, диаметри 6 мм.дан 1 см.гача бўлади, текис шнур узунлиги 3-7 см. Ёғоч усти лейкопластир ёки изолента билан ўралган бўлади. Лента билан шнур бурчак остида бирлаштиради...
Лентада машғулот бажариш қуйидаги кетма-кетликда ўрганилади: силкиш, айлантириш, илонизи, спирал қилиб ва саккиз сони кўринишида ҳаракатлантириш.
Лента билан ҳаракатланишни ўрганиш, аввало, унинг тутқичидаги таёқни тўғри тутишдан бошланади. Уни катта, кўрсаткич ва ўрта бармоқ билан эркин ушлаш лозим. У қўлдан чиқиб кетмайдиган, силжимайдиган тарзда енгил ушланиши керак.
Тўғри тутиш — лента билан машғулот ўтказишда асосий тамойиллардан биридир. Бу алоҳидалик қисқа ҳаракатларни тезкорлик билан бажришда намоён бўлади.
Лентани бир қўлдан бошқасига ўтказиб, комбинация ҳосил қилиш лозим. Лента ушлагич таёқчани тезкорлик билан узатиш керакки, суръати бузилмаслиги ахамият бериш, бунинг учун махсус тайёргарлик керак. Бир кафт иккинчисига узатилаётганда тайёр туриши лозим.
Лентани силкиш. Бу лентада ҳаракатланиш техникасини тўғри ўзлаштириш муҳимдир. Силкиш турли текисликда ва йўналишда, тенгликларда ва эркин ҳаракатларда бўлади. Кафт қисми қўлнинг давоми саналади. Лента йўналишини ўзгартираётган вақтда кафтни бирдан ўзгартириш ярамайди, балки ўзига хос назокат билан, лента йўналишига мос равишда ўзгартириш керак, шунда ритм узилмайди. Гавда ва бош лентанинг учишини бошқаради ва лентанинг ясситекислигини таъминлашда ёрдам беради. Ёнаки ва юзаки жиҳатдан лента силкитаётганда билак тирсаги букилмаслиги керак. Болалар эса горизонтал силкиётганда, лентанинг ҳаракати улкан радиус олиши учун билак-қўл соҳасидаги тирсакни ҳиёл букади.