B. S. Usmanov konservalash texnologiyasi asoslari

 
Pyure shaklidagi konservalar 
Bu konservalarning quyidagi assortimenti ishlab chiqariladi. 
1. YAshil no‗xat, sabzi, oshqovoq va tomatdan ishqalab, maydalab 
tayyorlangan tabiiy sabzavot pyurelari. 
2. Turli komponent qo‗shilgan tabiiy sabzavot pyurelari: turli sho‗rva-
pyurelar - sabzavot, tomat, go‗sht-sabzavot, sabzavotli tovuq, jigar-gurunch va 
kartoshkali bo‗ladi. Sabzavotlardan ushbu mahsulot ishlab chiqarilganda rangli 
karam, qovoq, yashil no‗xat, kabachok, tomat qo‗shiladi. Har bir tur konserva 
uchun sabzavotlar yig‗indisi va tarkibi belgilangan bo‗ladi. Ushbu guruh 
konservalariga shpinat, qovoq, kabachok, sabzi, yashil no‗xat, qo‗ziqorinli, loviya 

---

162 
pyuresi kiradi. Ularga gurunch, manniy yormasi, sut va boshqa komponentlardan 
biri qo‗shiladi. 
3. Qand qo‗shilgan olma, o‗rik, qora qorag‗at, chernika, yangi olxo‗ri, qora 
olxo‗ri va boshqa meva hamda rezavorlar pyuresi. Meva-rezavor va sabzavotlar 
aralashmasidan olingan pyure hamda sharbatlardan «Qizil yanoqlar» kabi 
konservalar ishlab chiqariladi. Bolalar uchun - pyuresimon konservalar 
mexanizasiyalashgan liniyalarda ishlab chiqariladi. Oziq-ovqat bilan aloqaga 
kiruvchi barcha jihozlar zanglamaydigan materialdan, asosan, zanglamas po‗latdan 
tayyorlanadi. Qayta ishlash jarayonida YATMni kislorod bilan aloqada bo‗lishdan 
himoya qilish tadbiri ko‗riladi.
Mahsulot Shisha yoki laklangan tunuka idishda konservalanadi. Xom 
ashyoni shu yo‗l bilan qayta ishlashda uning tarkibidagi vitaminlar saqlab qolinadi, 
og‗ir metallar mahsulotga o‗tishining oldi olinadi. Bolalar taomi ishlab chiqarish 
uchun yuqori sifatli mutlaqo yangi meva va sabzavot ishlatiladi. Mahsulot 
tarkibida mikrobiologik ko‗payish bo‗lmasligi uchun texnologik jarayonlar tez, 
to‗xtashlarsiz amalga oshiriladi. Uskuna va mahsulot tashiladigan quvurlar ish 
tugagach, mahsulot qoldig‗idan tozalanadi va issiq suvda yuviladi. Yangidan ishga 
tushirishdan ilgari yana yuviladi. Yuvishni osonlashtirish uchun quvurli mahsulot 
o‗tkazgichlar echiladigan bo‗lishi kerak. Xom ashyoni qayta ishlash vaqtida 
mufassal sanitariya, kimyoviy-texnik va mikrobiologik nazorati olib boriladi. 
Konservaning ta‘mi yaxshi, to‗yimliligi yuqori bo‗lishi uchun ular maxsus 
tanlab olingan xom ashyodan ishlab chiqariladi. Xom ashyoni qayta ishlash 
texnologik jarayoni quyidagi operasiyalarni o‗z ichiga oladi.