B. S. Abdullaeva tdpu ilmiy ishlar va innovatsiyalar bo‘yicha prorektor

 
Adabiyotlar: 
1.
F.Kodirova, Sh.Toshpulatova, M.A’zamova. Maktabgacha pedagogika. –T.: Ma’naviyat, 
2013. 
2.
Sh.A.Sodiqova. Maktabgacha pedagogika. –T.: Tafakkur sarchashmalari, 2017. 
3.
N.M.Kayumova. Maktabgacha pedagogika. –T., TDPU nashriyoti, 2017. 
 
֍ 
–
 ֍ 
– 
֍ 
 

---

30 
MAKTABGACHA YOSHDAGI BOLALAR MUSIQA TA’LIMINI 
TAKOMILLASHTIRISHGA INNOVATSION YONDASHUV 
 
Axmedov M. 
O‘zbekiston davlat konservatoriyasi, kafedra mudiri
O‘zbekiston Respublikasi Prezidentining 2018 yil 30 sentyabrdagi “Maktabgacha ta’lim 
tizimini boshqarishni takomillashtirish chora-tadbirlari to‘g‘risida”gi PQ-3955-sonli qarorini 
ijrosini ta’minlash maqsadida qabul qilingan “O‘zbekiston Respublikasi maktabgacha ta’lim 
tizimini 2030 yilgacha rivojlantirish konsepsiyasini tasdiqlash to‘g‘risida”gi 2019 yil 10 maydagi 
PQ-4312/3106-sonli qarori maktabgacha ta’lim tizimini rivojlantirish bo‘yicha kompleks chora-
tadbirlarni o‘z ichiga oladi. Qaror mazmun-mohiyatiga ko‘ra, jumladan, maktabgacha ta’lim tizimi 
xodimlarini tayyorlash, qayta tayyorlash, malakasini oshirishga mutlaqo yangi yondashuvlarni 
joriy etish; maktabgacha ta’lim muassasalari uchun o‘quv-metodik, didaktik materiallar va badiiy 
adabiyotlarni tanlab olish va ekspertizasini ishlab chiqilgan tartibga muvofiq o‘tkazish; 
maktabgacha ta’limning muqobil shakllari uchun yangi o‘quv-metodik materiallarni ishlab chiqish 
va amaliyotga joriy etish kabi masalalarning yechimiga qaratilgandir. Qarorda ko‘zda tutilgan 
vazifalarni amalga oshirishda asosiy e’tiborni quyidagi muammolar yechimiga qaratish zarur: 
Birinchidan, 
Yaponiya, Germaniya, Fransiya kabi xorijiy davlatlarda maktabgacha ta’lim 
mazmunida akmeologik yondashuv asosida bolaning kasbiy qiziqishlari va imkoniyatlari 
monitoring qilib boriladi. Musiqa san’atining o‘ziga xos xususiyatlaridan biri ‒ miya faoliyati 
boshqaruvini boshqa yuqori nuqtaga olib chiqishga yordam berishdir. Natijada, harakatlar 
koordinatsiyasi vujudga keladi. Bu esa bir vaqtning o‘zida o‘ng va chap qo‘llarning turlicha 
funksiyalarni bajarishiga imkon beradi. Musiqa bilan shug‘ullangan har qanday shaxsda kelajakda 
qaysi kasbni egallashidan qat’i nazar o‘z sohasi bo‘yicha akmeologik cho‘qqiga erishish imkoni 
paydo bo‘ladi. Ushbu yo‘nalishda respublikamizda ota-onalar uchun musiqa san’ati bilan 
bolalarga ta’lim-tarbiya berishga doir yondoshuvni ishlab chiqish va amalda qo‘llash katta 
axamiyat kasb etadi.