B abdullayeva, M. Usmonbayeva, O’. Asqarova, F. Ehsonova, S. Hakimov

 
Jazolash 
(metod  yoki  usul  sifatida)  –  ota-onalar,  o’qituvchilar,  yoshi  katta 
kishilar  tomonidan  bolalar  va  o’smirlarning  bema’ni  gap-so’zlari,  qiliqlari,  xatti-
harakatlari  uchun  salbiy  baho  berib,  amaliy  chora-tadbirlar  qo’llash  usuli.  Xalq 
pedagogikasida  ham  jazo  berish  og’zaki  va  amaliy  tarzda qo’llaniladi.  O’zbek  xalq 
pedagogikasida  asrlar  davomida  shakllangan  qarashlarga  ko’ra  jismoniy  jazolash 
inkor  etilmaydi.  Aksincha,  dastlabki  e’tirof  etish,  ogohlantirish  hech  bir  natija 
bermagandan so’ng so’nggi chora sifatida jismoniy jazolash faol qo’llaniladi.   
 
Tarbiya  jarayonida  quyidagi  jazo  choralari  qo’llaniladi:  tanbeh  berish; 
ogohlantirish; uyaltirish; hayfsan berish. 
Jazo  puxta  o’ylab  qo’llanilishi  lozim,  aksincha,  jahl  ustida  jazolash  mumkin 
emas. Jazolar  yakka xarakterda, ya’ni, birgina usulni  qo’llash  asosida, o’quvchining 
aybiga  mos,  muvofiq  bo’lishi,  tez-tez  qo’llanilmasligi,  jazolanuvchida  jazoning 
to’g’ri  belgilanganligiga  nisbatan  shubha  tug’dirmasligi  lozim,  shundagina  ular  o’z 
ayblarini  sezadi.  Jamoada  muhokama  qilish  va  jamoa  tomonidan  qo’llab-
quvvatlangan holda jazo berish uning ta’sir kuchini yanada oshiradi.