Axborot tizimlarining tuzilishi va ta’minlovchi qismlari

Axborot tizimlarining strukturasi va ta’minlovchi qismlari. Har qanday axborot tizim strukturasi, qo‘llanish sohasidan qatiy nazar, bir necha ta’minlovchi qismlardan iborat bo‘ladi. Ularni ushbu grafikda tasvirlaymiz. Ta’minlovchi qismlar 6 xil bo‘ladi: texnik, matematik, dasturiy, tashkiliy, huquqiy ta’minotlar.
Ta’minlovchi qismlarning ta’riflari va vazifalari.
Texnik ta’minot-bu axborot tizim ishlab turishi uchun zarur bo‘lgan texnik vositalar undan tashqari bu vositalar va texnologik jarayonlar uchun zarur bo‘lgan hujjatlardan iborat.
Texnik vositalarga quyidagilar kiradi:

1. 
   Turli modeldagi kompyuterlar,
   
2. 
   Axborotni yig‘ish, to‘plash, qayta ishlash, uzatish va chiqarish vositalari,
   
3. 
   Ma’lumotlarni uzatish va aloqa vositalari,
   
4. 
   Orgtexnika va axborotni avtomatik o‘qish vositalari,
   
5. 
   Turli xil xom ashyo va boshqa materiallar.
   

Hujjatlarda texnik vositalarni tanlash, ularni ishlatishni tashkil etish, ma’lumotlarni qayta ishlashning texnologik jarayoni, texnik ta’minlanganlik darajasi va boshqalar qayd etib boriladi.
Hujjatlarni shartli ravishda 3 guruhga bo‘lish mumkin:

1. 
   Umumtizim hujjatlar, ularga texnik ta’minot bo‘yicha umumdavlat va sohaning standartlari kiradi,
   
2. 
   Maxsus hujjatlar, ularga texnik ta’minotning barcha etaplari bo‘yicha metodik ko‘rsatmalarto‘plami kiradi,
   
3. 
   Normativ-ma’lumotnomalar, ularga texnik ta’minotning hisob-kitob ishlarida ishlatiladigan hujjatlar kiradi.
   

Hozirgi paytga kelib texnik vositalarning tashkil etishning 2 xil formasi ishlab chiqilgan: markazlashgan va qisman yoki to‘la markazdan uzoqlashtirilgan texnik ta’minot.
Markazlashgan texnik ta’minot axborot tizimlarida katta kompyuter va hisoblash markazlarini ishlatishni nazarda tutadi.
Markazdan uzoqlashtirilgan texnik ta’minot axborot tizimlarining ish joylarida asosan shaxsiy kompyuterlarni ishlatishni ko‘zda tutadi.
Kelajakda texnik vositalarni axborot tizimda tashkil etishning eng maqbul usuli, bu qisman markazlashgan texnik ta’minot bo‘lsa kerak, chunki taqsimlangan kompyuter tarmoqlari yordamida markazda joylashgan mahsus hujjatlardan joylardagi shaxsiy kompyuterlarga ma’lumotlarni qayta ishlash uchun tortib olish mumkin.