«Автотранспортни ишлатиш ва таъмирлаш» тайёрлов йыналиши

“Avtomobil transportga texnik xizmat ko’rsatish va ta’mirlash” tayyorlov yo‘nalishi
Avtomobil tuzilishi o‘quv amaliyotidan yo’riqli xarita

1. 
   MODUL RAQAMI: A 14.
   
2. 
   MAVZU: «Kardanli uzatma, asosiy uzatma va differensialni ajratish - yig‘ish».
   
3. 
   MAQSAD: Asosiy uzatma va differensialni ajratish - yig‘ish ishlarini o‘rgatish.
   
4. 
   O‘QUV SOATLARI: 6 soat (240 daqiqa).
   
5. 
   MODULNI O‘RGANISH JARAYONIDA EGALLANADIGAN AMALIY KO‘NIKMALAR:
   
   • 
     Mehnat muhofazasi va sanitariya qoidalariga rioya qilish;
     
   • 
     Kardanli uzatmani ketma-ketlikga asoslanib, texnik talablarga rioya qilib, qismlarga ajratish va yig‘ish;
     
   • 
     Asbob-uskunalardan to‘g‘ri foydalanish.
     
   • 
     Uzatmalar qutisi karteridan differensialni ajratish va yig‘ish;
     
   • 
     Differensialni detallarga ajratish va yig‘ish;
     
   • 
     Yig‘ilgan qismlar sifatini tekshirish;
     
   • 
     Differensialni ajratish va yig‘ish jarayonida maxsus moslamalardan foydalanish.
     

6. 
   MODULNI O‘RGANISH DAVOMIDA SHAKLLANADIGAN NAZARIY BILIMLAR;
   
   • 
     Xavfsiz ishlash usullari;
     
   • 
     Kardanli uzatmaning vazifasi, tuzilishi, materiallari, detallarning nomlanishi, o‘zaro bog‘lanishi hamda ishlash jarayoni.
     
   • 
     Differensialning vazifasi, turlari va tuzilishi;
     
   • 
     Asosiy uzatmaning vazifasi, turlari va tuzilishi;
     

7. 
   MAVZU DOIRASIDAGI ASOSIY MA’LUMOTLAR:
   

Kardanli uzatma, (o‘qlari bir tekislikda yotmay, ma’lum bir o‘zgaruvchan burchakda joylashgan holatda) mexanizm yoki agregatlarga burovchi momentni uzatish uchun xizmat qiladi. Mexanik va gidromexanik kuch uzatmali avtomobillarda kardanli uzatma yordamida dvigatelning burovchi momentini uzatmalar yoki taqsimlash qutisidan yetakchi ko‘prikga uzatiladi. Bundan tashqari kardanli uzatma rul boshqarmasida, hamda alohida mexanizmlarga (lebedka, qo‘shimcha moslamalar) burovchi momentni uzatishda ham ishlatiladi.
Tasnifi bo‘yicha kardanli uzatmalar ochiq va yopiq turlarga bo‘linadi. Avtomobillarning kuch uzatmasida asosan ochiq turdagi kardanli uzatmalar ishlatiladi, 1-rasm.