Автоматика асослари ва микропроцессор техникаси

МАЪРУЗА № 2


Автоматиканинг асосий тушунчалари
Режа

1. 
   Автоматиканинг асосий тушунчалари.
   
2. 
   Бошқариш принциплари.
   
3. 
   Бошқарувчи тизимларнинг турлари.
   
4. 
   Ростлаш алгоритмлари.
   

Таянч сўзлар: технологик жараён, автоматлаштириш, бошқариш, кибернетика, бошқариш алгоритми, функционаллаш алгоритми, система
Автоматик бошқариш назариясининг асосий тушунчалари
Илмий-техника тараққиётининг самарадорлигини ошириш йўлларидан бири ишлаб чиқаришни автоматлаштиришдир.
Янги мақсулот (буюм) тайёрлаш учун йўналган ишлаб чиқариш жиқозлари комплекси моддий ва энергетик оқимлар хомашё ёки ярим тайёр маҳсулотга ишлов бериш ва қайта ишлаш усулларининг вақт бўйича кетма-кет алмашишига технологик жараён деб аталади.
Ишлаб чиқариш жараёнларини тўғри кечиши ёки оптимал олиб борилиши учун системани бошқариш алгоритмига мувофиқ уларга аниқ таъсирлар юборилиши талаб қилинади. Берилган функционаллаш алгоритмини бажариш учун бошқариладиган объектга ташқаридан бериладиган таъсирлар характерини аниқлайдиган ёзувлар тўпламига бошқариш алгоритми дейилади.
Бирор бир қурилмада (бошқариладиган объектда) ёки системада ишлаб чиқариш жараёни тўғри бажарилишини таъминлайдиган ёзувлар тўпламга функционаллаш алгоритми дейилади.
Ҳар бир системада бошқарувчи ва бошқариладиган асосий қисмлар бўлиб, улар ўртасида тўғри ва тескари боғланишлар мавжуд.