Atv baholash

Magistrlik dissertatsiyasining maqsad va vazifalari. Tadqiqotning maqsadi qurilish mashinalarini baholashning ikkilamchi bozorda aylanayotgan bozor bahosini baholashning haqiqiyligini, daliliyligi va ishonchliligini oshirish orqali erishilgan turli maqsadlar uchun samaradorligini oshirish bo‘yicha taklif va tavsiyalar ishlab chiqishdan iborat.
Tadqiqotning vazifalari:

• 
  “qurilish mashinalarini baholash”, “qurilish mashinasining qiymati” kabi iboralarning iqtisodiy kategoriya sifatidagi mohiyatining nazariy-uslubiy asoslarini hamda ularning takomillashgan ta’riflarini ishlab chiqish;
  
• 
  qurilish mashinalarining baholash obyekti sifatida klassifikatsiyasini ishlab chiqish;
  
• 
  baholashda qo‘llaniladigan yondashuv va usullarning mavjud tizimini tahlil qilish orqali qurilish mashinalarini baholash uchun amaliy uslublar tizimini ishlab chiqish;
  
• 
  mahalliy qurilish mashinalari bozorining holatini o‘rganish asosida mazkur bozorni takomillashtirish bo‘yicha takliflar ishlab chiqish;
  
• 
  bozorda qurilish mashinalari qiymatiga ta’sir ko‘rsatadigan omillarni aniqlash, ularning klassifikatsiyasi va ta’sirini aniqlash metodologik asoslarini ishlab chiqish;
  
• 
  ochiq bozorda sotilayotgan qurilish mashinalarining bozor qiymatini aniqlash metodologiyasini ishlab chiqish.
  

Magistrlik dissertatsiyasining predmeti va obyekti. Tadqiqot obyekti sifatida ikkilamchi bozorda ishtirok etayotgan qurilish mashinalari olingan.
Tadqiqot predmetini qurilish mashinalariga nisbatan yuzaga keladigan iqtisodiy munosabatlar tashkil qiladi.
Magistrlik dissertatsiyasining uslubiyati va uslubi. Dissertatsiyada taqqoslash,tizimli tahlil, analiz va sintez, induksiya va deduksiya, ijtimoiy so‘rov, istiqbolli bashoratlash kabi usullardan foydalanilgan.
Magistrlik dissertatsiyasining ilmiy jihatdan yangilik darajasini quyidagilar tashkil etadi:

• 
  “qurilish mashinalarini baholash” va “qurilish mashinasining qiymati” iboralariga tavsif berildi;
  
• 
  qurilish mashinalarining baholash obyekti sifatida klassifikatsiyasi ishlab chiqildi;
  
• 
  qurilish mashinalarini baholash uchun amaliy usullar tizimini ishlab chiqildi.